Ulıwma orta bilim beriw mektepleriniń 7-klası ushın sabaqlıq

menen
kómekshi sózi teń mánili birgelkili 
aǵzalardı baylanıstırıp kelgen hám dáneker xızmetinde qollanılǵan. 
Tapsırma 2.8. 
Tekst ústinde ámeliy jumıs isleymiz!
ERNAZAR «SHOYÍNSHÍ»
Ernazar jarlı shańaraqtan shıqqan, joqshılıqtı kóp kórgen. Talap islep 
qońsılas Xorezmde bir bayǵa diyqan boladı. Baydıń Ernazardan basqa jáne eki 
diyqanı bar eken. Sol eki diyqanǵa bas bolıp ol baydıń jumısların isley beredi.
Bir kúnleri bay eki diyqanı menen Ernazardı beldar etip qazıwǵa jiberedi. 
Úsh diyqan at arba menen azıqların alıp qazıwǵa baradı. Eki diyqandı aqıraǵa 
qoyıp Ernazar ultanǵa túsedi. Solay etip, úsh adamnıń qazıwın bir ózi qaza beredi.

---

59
1. Birinshi abzacta bir-birine sinonim bola alatuǵın sózlerdi tabıń.
2. «Beldar» sóziniń mánisin túsindirip beriń. 
3. Ekinshi abzactaǵı 
menen
sóziniń qaysı kómekshi sóz wazıypasın 
atqarıp turǵanın aytıń. 
Aradan úsh kún ótedi. Qarıw bolǵan menen Ernazardıń ebeteysizliginen 
beldiń sabı onıń qolın alıp ketedi. Qolları qanap jara boladı. 
Sol waqıtta qolına qamshısın oynatıp jasawıl keledi.
– 
Boyda qarıwıń bar 
palwan deneli jigit ekenseń, bir óziń úsh adamnıń 
jumısın islep atırsań. Burın ne káriń bar edi? – dep soraydı.
Bul sorawǵa Ernazar: – kishirek toy-merekelerde gúresetuǵın edim, – dep 
juwap beredi.
Isi erikken 
jasawıldıń oǵan: «eger de usı alamannıń jartısın jıǵıp berseń 
qazıwdan azat etemen» degen usınısına Ernazar: «eger usı miynetten azat etetuǵın 
bolsań, onda jıǵıp beremen» dep juwap qaytaradı.
Túski shaydan keyin jasawıl bası: «gúres boladı» dep jar urǵızıp mıńǵa 
shamalas adamdı bir jerge toplaydı.
1. Dialogtan óz ara sinonim sózlerdi tawıp jazıń. 
2. Qızıl menen berilgen sózler dizbegin sol mánini beretuǵın kelbetlik