Ulıwma orta bilim beriw mektepleriniń 7-klası ushın sabaqlıq

ekinshi dárejeli aǵzalar
dep ataladı. 
Tapsırma 3.8. 
Tómendegi kórkem dóretpedegi gáplerdi gáp aǵzalarına 
tallaw islep, olardıń gáp aǵzalarınıń qurılısı boyınsha qaysı túrine 
kiretuǵınlıǵın aytıń. 
Ómirinde
 
kóp jalalarǵa qalǵan Berdaq shayırdıń kewil sandıǵı zamanınıń 
dártlerine tolıp ketse, jekkelikte kelgen jeke basımnıń dártlerine jaqın-juwıqlarımdı, 
doslarımdı seziklestirip qapalandırmawım kerek dep, teńizdiń boyına barıp, aq 
jallı tolqınlarǵa qarap turıp, bolmasa Ámiwdáryanıń jaǵasına kelip, onıń burqasınlı 
aǵısınan kóz ayırmay turıp, bılay nalınadı eken:
– Áy kógalay kók teńiz, áy aǵın suw! Juwap berińler maǵan. Men bul dúnyanıń 
bardı-keldi sırlarına, sirá, túsinbedim ǵoy. Birewlerdiń kewline qarap is etemen, biraq 
olar meni shebekeyine túsinedi, bazda meni «kerisine túsinsin» dep jorta shebekeyine 
islesem, onı sol turısına túsinedi. 
Eger aljassam, jorta aljasqanday kóredi, durıs islesem, ózimnen biyǵárez durıs 
islegendey kóredi. Aqırı, men shayır bolǵan menen dúnyanıń eń sońǵı tirepberdisi 

---

138
emespen. Men de adamman ǵoy! Adamnıń ózin-ózi basqara almaytuǵın jaǵdayları 
kóp boladı. Meyli, meni kim qalay túsinse, solay túsinsin, ózim ózime haqpan, dúnyanıń 
haqlıǵın tileymen, haqlıq ushın qosıq jazaman, haqlıq ushın isleymen, bar ómirim 
haqlıqqa, haqıyqatlıqqa baǵıshlanǵan. Sonda da bul dúnya menen túsinise almaymız. 
Qáyteyin, túsiniser gez keler dá...
(T.Qayıpbergenov)
Tapsırma 3.9.
Ózlerińiz shayırlardıń dóretiwshiligi haqqında kishigirim publicistikalıq 
tekst dóretiń hám teksttegi gáplerdi sintaksislik tallaw isleń.
Tapsırma 3.10. 
Tómendegi I.Yusupovtıń «Paydakúnem Ómirbek» atlı qosıǵı boyınsha 
toparlarǵa bólingen halda prezentaciya tayarlań, yamasa saxnalıq kórinis