Ulıwma orta bilim beriw mektepleriniń 7-klası ushın sabaqlıq

Tapsırma 3.3. 
1. Qızıl menen berilgen 
sózler qanday mánilerdi 
bildirip kelgen?
2. Shayır-jazıwshılar ne 
ushın basqa millet dóretiwshi-
leriniń shıǵarmaların oqıp úy-
renedi dep oylaysız?
?

---

136
Pushkin qosıqları sonday ápiwayı hám shın júrekten jazılǵanday... Oqıp atırıp 
óziń de tap sonday etip jazıwıń múmkindey, usı waqıtqa deyin nege usınday etip 
jazbadım dep ózińe giná qoyǵanday isenimli pikir payda boladı. Al, qolǵa alıp kirisip 
kórseń, onıń qanshama tereń, qanshama qıyın ekenin sezeseń. Pushkinniń haqıyqıy 
erkinlikti ańsap jasaǵan ómiri, shayırlıq qúdiretin uǵınıp, ózi de «Erkinlik jırshısına» 
degen qosıq arnawdı niyet etti. Onı qaǵazǵa túsire basladı, biraq pisentinde bar sózleri, 
sheberligi ele jetispey atırǵanın sezdi, toqtatıp qoydı. Azǵana waqıt ótip jáne basladı, 
ásten qosıp bara berdi.
Tapsırma 3.4.
1. Birinshi gáp gáptiń bas aǵzalarınıń qatnasına qaray qaysı túrine 
kiretuǵınlıǵın aytıń.
2. Shayır óziniń dóretken arnawın ne sebep «Erkinlik jırshısına» dep 
ataǵan?
3. «Toqtatıp qoydı» qospa sózin turaqlı sóz dizbegine almastırıń.
Usılayınsha baslanıp, aradan úsh 
jıl ótkennen keyin tolıq arnaw odası bolıp 
pitken, biraq 1948-jılı baspasóz betinde 
jarıq kórgen qosıq usı jılları baslanǵan 
edi. Ómirdegi qayǵı menen quwanıshtıń 
qabatlasıp kelip, adamdı aldarqatatuǵın 
waqıyalardı, baqırmay-shaqırmay kelip, 
insan qálbin mayıstırıp atırǵan hádiyselerdi 
júregine mórlep qoyatuǵındı shıǵardı.
Tapsırma 3.5.
1. Shayır arnaw odasın 
neshe jıllıq waqtın sarplap 
jazadı?
2. Shayırda qanday ádetler 
qáliplesken?
3. Abzactan antonim mánili 
sózlerdi tabıń.
Olar endi sóz arqalı qosıq qatarlarında 
qalqıp shıqqısı keledi.
Uyqı bermeydi, ornı 
kelip turǵan jerde 
qolıńa sadaqtıń oǵınday bolıp ilinedi.
.. Endi burınǵıday, bolǵan 
hám bolajaq waqıyalarǵa arnap 
jaydaq qosıq
jazıw háwesi sónip baratırǵanday, 
qosıq degen yosh kelip, awzıńa qudayım sózlerdi salǵan waqıtta ǵana jazatuǵın nárse 
dep oylaytuǵın edi. Endi qosıqtı, tek qosıq emes, shayırlıqtı zárúrlik, dárt, jetpesinlik 
yamasa asa ketken tolıp-tasıwlar qozǵaydı eken degen túsinikke ózgerdi. Demek, 
qosıqtı buyırtpa, tapsırma boyınsha da jazıwǵa boladı. Biraq onı da dóretiwshilik 
sheberlik, ózinshelik, basqalarǵa uqsatpay jazıw kerek, degen anıq sheshimge keldi.