Ulug’bek Hamdam romanchilik mahorati

qadar go„zal, buning ustiga hali teginilmagan ediki, Yusuf:”Bosaymi-bosmaymi?” 

deb o„ziga-o„zi savol berardi. Nihoyat, g‟arch-g‟urch bosib yurib ketdi. Bir ozdan 

so„ng burilib orqasiga qaradi va yangi izni-yangi yo„lni ko„rdi. Oldinda esa hali iz 

tushmagan qor!” Bu  parchada falsafiy mushohada bordek, ya‟ni qorga hali oyoq 

izi  teginmagani  Yusufning  kelajagi  tafsilotlari  bilan  bog‟liqdek.  Oppoq  qor 

beg‟ubor  bolalik  timsoli  Undagi  kir  oyoq  izlari  esa  turmushning  ikir-chikirlari, 

qiyinchiliklari bo„lishi mumkin. 

“Bahor.  Kunlar  iliq,  esayotgan  shabadalar  iliq.  Shunday  bir  iliqlikki,  o„sib 

unmoqqa,    kulib-yayramoqqa    undaydi.  Ayniqsa,  aprelda,  daraxtlar  rango-rang: 

oq,  pushti,  binafshatus…libos  kiyganda.  U  guldan-bu  gulga  asalarilar  

g‟o„ng‟illab uchib yurganda, atrofni muattar bo„y, xushmanzara, bosib ketganda, 

butun  olamda  ulug‟vor    ko„tarilish,  hayot  deb  atalmish  ma‟noni  o„zida  jamlab, 

yangi kuch, yangi g‟ayrat, yangi umid va yangi hayajonlar bilan oldinga talpinish 

yuz berganda…” 

Badiiy  asarlarda  bahor  fasli  ta‟rifini  keltirish  an‟anaviy  holat  tusiga  kirgan. 

Bahor  ko„tarinkilik,  uyg‟onish    fasli  bo„lganligi  uchun  asarda  ko„proq    yasharish  

ruhiyati, unda kechayotgan  iliq tuyg‟ular, ichki kechinmalar alangasini ochishga 

xizmat  qilgan.  Go„yoki  qahramon  holati,  unda  kechishi  mumkin  bo„lgan  

vaziyatlar  bahor  obrazi  bilan  ochilishi  mumkin.  Bu  parchada  bahor  peyzajining 

keltirilishi Zahroning chehrasi-yu, ko„nglidagi tuyg‟ularining hali tirik ekani, u hali 

yosh,  navqiron  ayol,  hayot  unga  bergan  imkoniyatlardan  to„la  foydalanishi 

kerakligi,  inson  avvalo  o„zining  qadriga  yetishi  va  boshqalar  buni  yaxshi  anglab 

olishi  kerakligini  eslatadi.  Bahor  va  ayolni  bir-biriga  o„xshatish  mumkin.  Ular 

o„zining nafosati va beqiyos go„zalligi bilan kishini o„ziga maftun etadi.  

“Kuzning so„lim kechasi edi. Boshlarida ulug‟vor shovullab daraxtlar mangu 

qo„shiqlarini baralla aytar, oyoqlari ostida endi-endi to„kilib, yer yuzini hali qoplab 

ulgurmagan  xazonlar  mayin  shitirlar,  quloqlari  tagida  sarrin  shabada  esib  turar, 

yosh  va  baquvvat  vujudlari  sharobning  yengil  kayfidan  mastona  tebranib 

borardilar.”  Bu  parcha  ularning  talabalik  paytlariga  to„g‟ri  keladi.  Sayr  uchun 

yotoqxonadan pastga tushib boqqa boradilar. O„quv yili ham odatda sentabr, ya‟ni 

---

 

63 

kuz faslidan boshlanadi. Salqin kuz kechalarida shamolning mayin esishi natijasida 

daraxtlarning  barglari  bir-biriga  urilib,  xuddi  kimdir  qo„shiq  aytayotgandek 

shildirab  ovoz  chiqaradi.  Bolalarning  ham  yosh  ko„ngillarini  oqshomning 

fusunkor,  kishi  dilini  yayratadigan  ajib  hislar  og‟ushiga  oladigan  jilvasi  qurshab 

oladi.  Xuddi bu dunyoda uchovlondan boshqa kimsa yo„qdek, butun dunyo faqat 

ularnikidek.  Bu  yoshda  inson  o„zini  osmon-falaklarda  sezadi.  Uning  uchun 

huzurdan, bugungi kunidan boshqa tashvishi yo„qdek. 

Yozuvchining  yana  bir  romani  “Sabo  va  Samandar”da  ramziylik  ustuvor. 

U.Rasulova  o„zining  “Ishq  diyorining  mangu  qo„shig„i”  maqolasida  romandagi 

ramziyliklar haqida o„z fikrlarini bildirgan: 

“Roman  qahramonlariga  tanlangan  ismlardagi  ramziylikka  ham  ahamiyat 

beraylik: Sabo –tonggi  huzurbaxsh shamol, kayfiyatni ko„tarib, qalbga musaffolik 

olib kiradi (lekin u o„tkinchi, doim ham uni his qilish qiyin, masalan erta bahorda, 

yomg„irdan so„ng tafti o„zgacha bo„ladi). 

Samandar  –  qush,  dardini  kuylab,  fig„on  chekib,  o„z  kuyi  ohangida  halok 

bo„ladi,  keyin  yana  o„zi  hokidan  yaraladi.  U  erkin,  bepayon  osmonda  parvoz 

qiladi. Biroq qalbi kengliklarga sig„maydi. Dardiga darmon topilmaydi. 

Soliha – pokiza , yumshoq tabiatli, itoatli, sabrli ma‟nolarini anglatadi. 

Sherdil – toshbag„ir, bemehr, sher kabi takabbur, asov”.

53

  

Samandar  obrazi  o„z  nomi  bilan  uyg‟un  holda  bir  qator  ramziyliklarga  ega. 

Sh. Botirova  “Sabo va Samandar” romani haqida maqolasida izohlashga harakat 

qiladi:  

“Yozuvchi  Samandar  obrazi  hatto  o„z  ismi  bilan  uyg„un  ekanligiga  ishora 

qiladi.  Qahramonning  ismi  mohiyatini  yozuvchi  uch  o„rinda  keltiradi.  Birinchisi 

Samandarning o„zi yozgan she‟rida aksini topadi:  

“…Uzun bo„yli yillar oralab,  

Yana paydo bo„ldingmi, gulim! 

Nahotki, so„nik kul ichra, yo Rab, 

Samandardek qayta tug„ildim?!...” (167) 

                                                 

53

 Rasulova U. Ishq diyorining mangu qo‟shig‟i// Yoshlik, 2013-yil, 4-son.39-bet. 

---

 

64 

Ismi  mohiyatini  Saboning  izohi  to„ldiradi.  “..Samandar  degan  qush  borligini 

bilaman.  U  kuylab,  o„z  kuyi  ohangida  kuyib  halok  bo„larmish.  Keyin  yana  o„z 

kulidan qayta yaralarmish...” (228-229).  

Ulug„bek  Hamdam  maqolalarining  birida  majoz  haqida  o„z  fikrini  bayon 

etadi:  “Bugun  yurtimiz  ijodkori  o„z  nuqtai  nazarini,  ko„hna  Sharq  adabiyotida 

bo„lgani  kabi  Mukarram  insonga,  uning  qalbiga  qaratgan.  Hamda  botindagi 

murakkab  jarayonlarni    bayonchilik    yo„li    bilangina  emas  (bunday  usul  bor, 

bo„ladi  va  bu  g„oyat  tabiiydir),  ayni  paytda,  umuminsoniy  va  umumzamonaviy 

mezonlarga  suyangan  holda  Majoz  vositasida  ham  qog„ozga  tushirmoqdalar, 

san‟atga aylantirmoqdalar”.

54

 

  Ulug„bek  Hamdamning  romanlarida  ham  ko„chim  turlaridan  biri  bo„lgan 

majoz qo„llangan. “Muvozanat” romanida ham majozdan foydalanilgan:  

  “Mirazim  bo„ydor,  Yusuf  esa  o„rta  bo„y,  Said  ozg‟in  va  nimjon,  lekin 

chaqqon  edi.  Mirazim  baquvvat  bo„lgani  bilan  qo„pol,  Yusuf  esa  miqtiligiga 

qaramay  epchil  va  kuchli  edi.  U  Mirazim  bilan  hazillasha  turib  kurashib 

ketishganda  ham  o„ziga  deyarli  bir  yarimta  keladigan  “Alpomish”ni  hash-pash 

deguncha  oyog„ining  tagiga  ola  bilardi.  Men  yengaman!”  –  deb  tirishdimi, 

yengardi, shu qat‟iyati hamisha qo„l kelardi”

55

 

Badiiy  makon  nuqtai  nazaridan  voqealar  Toshkent  shahri  va  Andijonning 

Marhamat  tumanida,  ya‟ni  shahar  va  qishloq  sharoitida  tasvirlanadi.  Andijon  

milliy  koloriti,  andijonliklar  tabiatiga  xos  so„zamollik,  mehnatkashlik,  sabrlilik, 

Toshkent  mentalitetiga  xos  qoni  qaynoqlik,  mehmondo„stlik  manzaralari  harorat 

bilan  tasvirlanadi.  Yozuvchi  o„z  qahramonlarini  qaysi  joyda,  qanday  sharoitda 

yashashiga qarab, uning so„zlashuv nutqini ham, dialektini ham shunga mos holda  

yaratgan.  Dialektlarga  qarab  ham  kishining  qayerdan  ekanligini  bilish  mumkin. 

Masalan,  Andijonda  bo„lib  o„tgan  voqealar  bayonida  Andijon  shevasiga  xos 

so„zlardan  foydalanishga  harakat  qilgan.  Yusuf  bolalik  paytida  Muhammadjon 

akanikiga  tez-tez  borib  turardi.  Bir  gal  buvisi  uni  to„xtatib  birga  borishini  aytadi. 

                                                 

54

 Hamdam U. Istiqlol adabiyoti – ozod tafakkur adabiyoti// Sharq yulduzi,2013-yil, 5-son. 5-6 betlar. 

55

 Hamdam U. Muvozanat// Vatan haqida qo„shiq. –T.: Akademnashr, 2014. 74-bet

 

---

 

65 

Shu  oradagi  suhbatida  “ene”-keyin  so„zini  ishlatadi:”  –Ertani  kutaylik,  issiq  non 

yopaylik, tog‟ang yaxshi ko„rgan biron ovqat qilaylik, ene boramiz…”  

Ayrim joylarda o„z onasini buvi deyish odat tusiga kirgan. Yusuf ham onasini 

buvi  deb  chaqiradi:  “Yusuf  buvasining  kichik  va  ozg‟in  jussasini  bag‟riga 

bosarkan, o„zining ham o„pkasi to„ldi…” 

Ena,  ya‟ni  otaning  onasi.  Yusuf    unga    nevara  hisoblanadi.  Bu  so„z  Halima 

aya tomonidan ishlatilgan: “Enang ham o„zini ancha oldirib qo„ygan.” 

Toshkent shevasiga xos so„zlar ham keltirilib, asarning badiiy xususiyatini va 

personajlarning xarakterini ochishga yordam bergan. Bu  o„rinlarda ko„proq “oka” 

so„zi faol qo„llangan. Bu so„zni ishlatgan personaj nutqida hurmat qilish, kesatish 

yoki  tavoze  sifatlari  sezilib  turadi.  Misol  uchun  Yusufning  Mirazimnikiga 

borganda  darvozani  xizmatkori  Alimqul  ochadi  va:  “Okamiz  yo„g‟la  nima  deb 

qo„yay?”  -deb  javob  beradi.  Bu  yerda  Alimqulning  o„z  xo„jayinini  hurmat  qilish 

tuyg‟usi ko„rinadi. Yoki Mirazimning yangi mashina olgan kuni tong saharlab uni 

minishga  chog‟lanayotganini  ko„rib  turgan  Zahroning  unga  “Okajon,  bu  mashina 

xayolingizni  o„rab  qo„yibdi…”  degan  murojaatidan  go„yoki  hech  narsa  bilan  ishi 

yo„q,  faqat  unga  mashinasi  bo„lsa  bo„ldi,  degandek  kesatiq,  piching  ham 

yashiringan. 

Uch do„st (Said, Yusuf, Mirazim) birga o„qib yurgan kezlari kechasi aylanish 

uchun  ko„chaga  chiqqan  paytlarida  bezori  bolalarga  duch  kelib  qoladilar.  Ur-

to„polon  boshlanib  ketadi.  Mirazim  toshkentlik  bo„ladi  va  bu  uning  nutqida 

namoyon bo‟lgan. Bir bola bilan urishib to„satdan sheriklarini chaqiradi:”Shu tob 

Mirazimning  tashvishli  ovozi  guldiradi:-  Yusuf!  Said!  Qochdik,  man  anuvini 

o„ldirib qo„ydim, shakilli!.. – Man sanlarga nima devopman!” 

Asarda  personajlar  nutqida  bir  qancha  iboralar  ham  keltirilgan  bo„lib,  asar 

saviyasini  oshirgan.  Asarda  iboraning  qo„llanishi  o„sha  qahramonning  ko„pni 

ko„rgan,  hayot  tajribasi  boshqalarga  nisbatan  biroz  yuqoriligi,  umuman, 

dunyoqarashi  keng  odam  ekanligini  ko„rsatadi.  Iboraning  o„zidan  ham  keyingi 

fikrlarning  mazmunini  bilib  olish  mumkin.  Quyida  asarda  keltirilgan  iboralar  va 

ular  bilan  bog‟liq  tafsilotlar  berilgan.”Bir  oyog‟im  uyda,  ikkinchisi  kasalxonada 

---

 

66