Ҳужжат матни 211024-(211135)

---

e-qaror.gov.uz
25.04.2022
1
2021 йил «23» сентябрь
64-10-141-Q/21
Паркент туман ҳокимлиги
Тошкент вилояти ҳокимининг 2021 йил 10 сентябрдаги 
113-10-0-Q/21-сонли карори ижроси тўғрисида
Ўзбекистон Республикаси Президентининг 2021 йил 28 июлдаги “Узумчиликни
ривожлантиришда кластер тизимини жорий этиш, соҳага илғор технологияларни жалб қилишни давлат
томонидан қўллаб-қувватлашнинг қўшимча чора-тадбирлари тўғрисида”ги ПҚ-5200-сонли ҳамда
Тошкент вилояти ҳокимининг 2021 йил 10 сентябрдаги 113-10-0-Q/21-сонли қарорлари ижросини
таъминлаш мақсадида ҳамда “Маҳаллий давлат ҳокимияти тўғрисида”ги Ўзбекистон Республикаси
Қонунининг 6 ва 25-моддаларига мувофик, қарор қиламан:
1. Ўзбекистон Республикаси Президентининг 2021 йил 28 июлдаги ПҚ-5200-сонли ҳамда
Тошкент вилояти ҳокимининг 2021 йил 10 сентябрдаги 113-10-0-Q/21-сонли қарорлари ижро учун
қабул қилинсин.
2. Узумчиликни ривожлантиришнинг асосий йўналишлари этиб қуйидагилар белгиланганлиги
инобатга олинсин:
узум етиштиришга ихтисослаштириш учун қулай худудларда энг макбул майдонларни белгилаш;
халқимизнинг асрлар давомида шаклланган миллий деҳқончилик маданияти, қадриятларидан
келиб чиқиб, узум етиштиришни миллий маданият сифатида ривожлантириш;
узумчиликни йирик майдонларда, кластер ва кооперация усулида етиштириш орқали соҳада
қўшилган қиймат занжирини яратиш, узумни сақлаш, саралаш ва қайта ишлашни рағбатлантириш;
маҳаллий узум навларининг миллий брендларини яратиш ва янги бозорларга чиқиш орқали
экспортни кенгайтириш;
илмий асосланган ҳолда узум етиштириш, унинг янги ҳосилдор, данаксиз навларини яратиш
мақсадида узумчилик илмий мактабини ривожлантириш ҳамда илм-фан ва ишлаб чиқаришнинг узвий
интеграциясини йўлга қўйиш.
3.Табиий иқлим шароити, аҳолининг деҳқончилик маданиятидан келиб чиқиб, тумандаги 1-
иловага мувофиқ худудларни узум етиштиришга ихтисослаштирилсин.
Туман ҳокимининг қишлоқ ва сув ҳўжалиги масалалари бўйича ўринбосари (Д.Орипов), туман
қишлок ҳўжалиги бўлими (А.Рахимхўжаев), худуд раҳларлари ҳамда мутасадди бўлим ва ташкилотлар
иҳтисослашган худудлардаги 5013 гектар майдонда узумзорларни барпо этишдан бошлаб, уларни
истеъмолчига етказишга қадар узлуксиз тизимни яратиш учун масъул этиб белгилансин.

---