Ҳудудий маркази тасвирий санъат ва чизмачилик фанини ўҚитиш методикаси

Совуқ рангларга эса зангори, ҳаворанг, мовий, яшил, бинафша, мошранг, тутиѐ, ложувард, тутигий, фируза, новшадил, зумрад. нофармон кабиларни киритилади. Улар кишиларда кўпроқ совуқ кайфият ҳосил қиладилар. Илиқлик ҳам совуқлик ҳам кайфият уйғотмайдиган ранглар ҳам бўлади. Масалан, кулранг, жигарранг, нилгун, сийбоб шулар жумласидандир.
Рангларни оғири ҳам енгили ҳам бўлади. Oғир ранглар қаторига кўпроқ тўқ, енгилига оч ранглар киради. Хусусан қора, жигарранг, яшил, бинафша, тўтиѐ, ложувард ранглар оқ, сариқ, ҳаворанг, мовий, малла, пушти, писпод, новвоти, сабза кабиларга нисбатан кузатувчига оғирроқ туюлади.
Ранглар назариясида ранглар қарама-қаршилиги (контраст ранглар) атамаси ҳам ишлатилади. Рангларни ўзига хос ҳусусиятларидан бири шундаки, улар бир-бирларини ѐнларида турганларида алоҳида турганидан кўра бошқача кўринади. Улар бир-бирларини тусларини аниқроқ, кучлироқ кўринишига ѐрдам берадилар. Уларнинг бу ҳусусиятларидан рассомлар ўринли фойдаланиб асардаги асосий образни ажратиб кўрсатиш мақсадида қарама-қарши ранг ходисасидан фойдаланадилар. Масалан, асосий образни оч рангда тасвирласалар унинг атрофини ѐки фонини туқ рангда оладилар ва аксинча.
Ранглар қарама-қаршилиги қуйидаги кўринишларда ишлатилиши мумкин.

1. 
   Бир рангни икки оч ва тўқликда қўллаш.
   
2. 
   Икки рангни оч ва тўқ тусларини қуллаш.
   
3. 
   Бир рангни кўп тусларини қўллаш.
   

Ранглар қарама-қаршилиги қоидаси суратдаги асосий образ билан фон, асосий образ билан мухит ўртасида қўлланади.
Рангнинг асосий хусусиятлари унинг ѐрқинлиги (оч-тўқлиги) туси ва туйинганлиги билан белгиланади.
Ранг ѐрқинлиги деганда унинг оч-тўқлик даражаси тушунилади. Масалан пушти ѐрқин ѐки оч, қизил эса унга қараганда ѐрқин эмас яъни тўқ.
Ранг туси деганда эса асосан унинг тозалиги, соф ҳолдаги ранги тушунилади. У икки хил маънода ишлатилади. Масалан қизил, сариқ, зангори,
яшил в.б. рангларни тус жиҳатидан бир-биридан ажралишини билдиради. Иккинчи маъносида бир рангнинг турлича кўринишлари ҳам ранг туси ҳисобланади. Масалан қирмизи, шафақ, лоларуй каби ранглар кизил рангнинг туслари ҳисобланадилар.