Ҳудудий маркази тасвирий санъат ва чизмачилик фанини ўҚитиш методикаси

Манзара ва натюрморт жанри

Манзара ва натюрморт жанрларида самарали ижод қилаѐтганлар орасида Л.Салимжонова, А.Мўминов, С.Абдуллаев, И.Ҳайдаров О.Қозоқов, Ғ.Абдураҳмонов, А.Мирсоатов, Л.Салпинкиди каби рассомларни алоҳида эътироф этиш мумкин.
Уларнинг асарларида Ватан жамоли, унинг жаҳонга машҳур олиму фузалолари, табиат эҳсонлари ифодаланган бўлиб, бу асарлар ѐшларни Ватанни севишга, уни асраб авайлашга, унинг моддий ва маънавий бойликларини кўпайтиришга ундайди, табиатдаги нафосатдан завқланишга чорлайди.

3. 3. Тарихий ва маиший жанр

Тарихий, маиший ва бошқа жанрларда яратилган асарлар орасида М.Набиевнинг ―Спитамен жанги‖, ―А.Темур‖ портрети, Б.Жалоловнинг "Олтин аср", "Коинот устунлари", "Абадият гумбази остида", С. Алибековнинг "Ғаройиб шарбат ифори", Ж.Умарбековнинг "Зилзила", "Ҳаворанг мусиқачилар", В.Охуновнинг "Будданииг тонгги сайри" кабилар диққатга сазовордир.

А.Исаев, Ж.Усмонов, Л.Розиқов, Р.Темуров, Т.Аҳмедов, Т.Каримов, Ш.Абдураҳмонов, Б.Исмоилов, Ғ.Қодиров каби ѐш рассомлар ҳам баракали ижод қилмоқдалар. Уларнинг ижодий ишларида реаллик, ойдинлик, шарқона
нафислик, умумий фалсафий тафаккур, бадиий кўркамлик, тугаллик, сокинлик ва ижодкорлик тўла ўз ифодасини топади.

3. 4. Мозаика ва витраж тури

Чингиз Аҳмаров бошлаб берган маҳобатли рангтасвир йўналиши истиқлол даврида янги босқичга кўтарилмоқда. Республикамизнинг кўплаб жамоат ва маданий бинолари, шу қатори Тошкент метроси бекатларига ишланган деворий суврат, мозаика, витражлар халқимизга эстетик завқ бағишламоқда.
Бу борада Л.Алиқулов, Б.Олимхонов, А.Икромов, А.Исаев, Э.Муҳаммадиев, Н.Султонов, Н.Холматов, Ш.Муҳаммаджонов, А.Бухорбоев, Т.Болтаев, Х.Назаров каби ижодкорлар устозлари ананаларни давом эттириб янгидан-янги муваффақиятларга эришмоқдалар.
Мозаика, витраж бўйича Б.Жалолов, А.Бухорбоев, В.Ган, И.егоровлар баракали ижод қилишиб, "Умар Хайѐм туши", "Нечун туғилганим ҳеч ким айтмайди", "Наврўз". "Туман мабудаси", "Абадият гумбази остида", "Буюк Соҳибқирон - буюк бунѐдкор", "Спорт ўйинлари тарихи", "Буюк ипак йўли", "Флора" каби бетакрор асарлар яратдилар.
Ўзбекистонда рангтасвир санъати янги босқичига кўтарилмоқда ва сўнгги йилларда юртимизда кўплаб иқтидорли ѐш рассомлар етишиб чиқмоқда.