Udk 59. Umida Ibaydullayeva Rustamjonovna

ПСИХОЛОГИЧЕСКИЕ ФАКТОРЫ КОНФЛИКТА МЕЖДУ РОДИТЕЛЯМИ И ДЕТЯМИ

Аннотация

В данной статье основное внимание уделяется психолого-философским основам конфликта между родителем и ребенком, в котором рассматривается семейная среда в развитии и становлении личности человека, взаимоотношения родителей и детей, разногласия между ними, психологический анализ понятия конфликта, изучаются причины его возникновения, пути устранения его последствий.

Ключевые слова: родитель, ребенок, конфликт, воспитание, поведение, социальная среда.

OTA-ONA VA FARZAND O‘RTASIDAGI NIZONING PSIXOLOGIK OMILLARI

Annotatsiya

Ushbu maqolada ota-ona va farzand o‘rtasidagi nizoning psixologik-falsafiy asoslariga to‘xtalib, unda inson shaxsining kamol topishi va shakllanishida oiladagi muhit, ota-ona va farzandlar o‘rtasidagi munosabatlar, ular o‘rtasidagi kelishmovchiliklar, nizo tushunchasini psixologik tahlili, uning kelib chiqish sabablari, oqibatlari bartaraf etish yo‘llari tadqiq etilgan.

Kalit so‘zlar: ota-ona, farzand, nizo, tarbiya, xulq-atvor, ijtimoiy muhit.

Kirish. XXI asrga kelib jahon miqyosida oilaviy munosabatlar tizimida o‘smirlik yoshidagi farzandlar va ota-onalar o‘rtasidagi nizolarning vujudga kelishi, sabablari va ularning yechimini aniqlashga qaratilgan masalalar dolzarb muammolardan biri bo‘lib qolmoqda. Bugungi kunda ushbu masalani muhim ekanligini mamlakatimiz Prezidenti Sh.M.Mirziyoyev “... bugungi tez o‘zgarayotgan, ziddiyatli davrda oilaviy masalalarni o‘rganmasdan turib, ijtimoiy hayotdagi ko‘plab murakkab savollarga javob topish qiyin”¹ ligiga a’lohida e’tibor qaratgani mavzuning dolzarbligini oshiradi. Xususan, inson shaxsining kamol topishi va shakllanishida oiladagi muhit, ota-ona va farzandlar o‘rtasidagi o‘zaro munosabatlar muhim ahamiyat kasb etadi.

Jamiyatimiz ijtimoiy hayotida, ya’ni oilaviy munosabatlardagi nizo va kelishmovchiliklar, oilalarning barbod bo‘lishi va uning oqibatlari natijasida ro‘y berayotgan turli salbiy holatlar yoshlarning tarbiyasiga ham salbiy ta’sir ko‘rsatadi.