Uchun qulay investitsiya muhitining yaratilgani asosiy omil bo’lib kelmoqda

III BOB. MINTAQADA INVESTITSION MUHIT JOZIBADORLIGINI

TAVSIFLOVCHI OMILLAR VA IQTISOTIYOTNI

RIVOJLANTIRISHNING ASOSIY YO’NALISHLARI

3.1. Mintaqadagi investitsion muhitning jozibadorlik

holatini tavsiflovchi omillar

Iqtisodiy geografik jarayonlarni rivojlanishida ishlab chiqarishni

joylashtirishga ta’sir etuvchi omilarning roli katta bo’lib,  ular soha egalari

tomonidan turli guruhlarga ajratiladi. Bundan tashqari, mintaqalar rivojlanishini

ta’minlaydigan va iqtisodiy geografik vaziyatini o’zgartiradigan  imkoniyatlarni

hududiy resurslar deb ham talqin qilish mumkin. Hududiy resurslar mamlakat yoki

uning tuzilmalari (iqtisodiy rayon, viloyat) doirasida iqtisodiy rivojlantirish bilan

bog’liq mumammolarni bartaraf etishda yetakchi rol o’ynaydi. SHu bilan birga,

mintaqada talab va taklif (ehtiyoj va ishlab chiqarish) mutanosibligini ta’minlashda

alohida o’rin tutadi. Huddi shunday resurslardan biri moliyaviy resurslar sanalib

ular, ishlab chiqarilgan maxsulotlar va ko’rsatilgan xizmatlar, xorijiy va mahalliy

ivestorlar tomonidan qo’yilgan kapitallar hisobidan, byudjet, kredit muassasalari

moliyalashtirilgan mablag’lar va boshqa manbalar hisobidan shakllanadi. Xorijiy

investorlar tomonidan yo’naladigan mablag’lar jadalligi esa yaratilagn investitsiya

muxiti jozibadorgligiga bog’liq.

O’zbekistonda investitsion muhitning muhim ahamiyat kasb etishi

hukumatimiz tomonidan olib borilayotgan investitsiya siyosatida yaqqol ko’rinadi.

Lekin, O’zbekistonning ko’plab murakkab moliyaviy-iqtisodiy muammolarini hal

etish uchun investitsion muhit haqidagi masalalarning muhim moliyaviy jihatlarini

o’rganish va yoritish talab qilinadi. Bu esa milliy iqtisodiyotimizga keng

miqyosdagi investitsiyalar oqimini olib kelishi muqarrar.

Mamlakatning oldida turgan muhim maqsadi chet el investitsiyalarini jalb

etish uchun sharoitlarni yaxshilash, O’zbekistonda qulay investitsion muhit

yaratish, jumladan, mamlakatdagi xorijiy investitsiyalarga imtiyozlarni keng joriy

etish, amaliy ko’maklashish va mamlakat ichidagi investitsion muhitning

moliyaviy jihatlarini yaxshilashdan iborat.

---

O’zbekistonda investitsion muhitning muhimligi birinchi o’ringa

chiqmoqda. O’zbekiston iqtisodiyotining kelajagi boshqa omillarga nisbatan

ko’proq aynan unga bog’liq. Iqtisodiy muammolar chigalligini faqat iqtisodiy

o’sishni ta’minlaydigan investitsion muhit hal etishi mumkin. Bu vazifani faqat

keng miqyosda investitsiyalar oqimi yordamida hal etish mumkin. Amalda

investitsiyalarni amalga oshirishning bir-biridan tub farq qiladigan ikki yo’li

mavjud.