Uchun ishlagan

20.Vatan haqida insho yozishga ilk qadam tashlash 
 
Insho yozish uchun o`quvchida tushuncha,tasavvur hamda 
ko`nikma bo`lishi kerak. Buning uchun ularga insho qanaqa bo`ladi 
o`zi,degan savolga javob berish lozim.Shu maqsadda tayyor kichik 
insholardan ularga ko`rsatib,tanishtirib boramiz. 
1-mashq.Ushbu namunaviy inshoni diqqat bilan o`qib chiqing. 
Keyin uni so`zlab berishga urinib ko`ring. So`ngra siz ham xuddi 
shunga o`xshatib yoza boshlang. 
Vatanim 
Reja: 
1.Men yashovchi manzil.
2.Vatanim haqida bilganlarim. 
3.Poytaxt va boshqa shaharlar haqida.
4.Vatanimga xizmat.
Mening ismim Durdona.Yoshim 10da.Oqqo`rg`on degan tuman 
hududidagi Baxmal qishlog`ida tug`ilganman.Amir Temur ko`chasi 
35-uyda yashayman. Mahallamiz keng.Daraxtlar ko`p, ariqlarda 
zilol suvlar oqadi.Ko`chalar sarishta.Har bir xonadon ostonasiga 
gular ekilgan. Juda ham chiroyli maskan. 
Vatanimiz - O`zbekiston.Unda asosan o`zbeklar yashaydi. Shu 
bilan birga qozoq, tojik, rus,turkman va boshqa millatlar ham biz 
bilan ahil yashab kelmoqda. O`zbekistonimiz to`rt faslga ega ajoyib 
diyor.O`lkamiz tabiati ham juda go`zal.Baland tog`lar, qir-adirlar, 
tekisliklar,dasht va cho`llar ham mavjud.Katta-katta ko`llar hamda 
daryolar xalqimizni suv bilan ta’minlaydi. 
O`zbekistonimizning poytaxti – Toshkent.Juda ham go`zal shahar. 
Unda baland-baland imoratlar, xiyobonlar, aeroport va temiryo`l 
vokzallari bor.Odamlarga to`lib toshgan.Bundan tashqari Buxoro, 
Samarqand, Xiva, Namangan kabi maftunkor shaharlar mavjud. 
Hammasi ham rivojlangan, zamonaviy.Ulug` ajdodlarimiz shu 
shaharlardan chiqqan. 
Men Vatanimizni juda-juda sevaman.Unga munosib farzand 
bo`lgim keladi.Hozirda tarix faniga qiziqaman.O`lkamiz tarixini 
o`rganish uchun kelajakda tarix sohasiga o`qishga kirmoqchiman. 

---