Uchinchi renessans: ilm-fan va ta’lim taraqqiyoti istiqbollari

“Uchinchi renessans: ilm-fan va 
ta’lim taraqqiyoti istiqbollari”
 
 
ISSN 2181-1784 
436 
w
www.oriens.uz
2021
 January
 
IBN SINONING AXLOQIY QARASHLARINING FALSAFIY TAHLILI 
Jurayev Sherali Soibnazar o’g’li 
Toshkent davlat sharqshunoslik universiteti 
“Sharq falsafasi va madaniyati” kafedrasi 
o’qituvchisi 
Mamlakatimiz mustaqillikka erishgandan so’ng Sharq xalqlarining ma’naviy, 
diniy va falsafiy merosini tadqiq qilishga katta e’tibor berildi. Shu bois, jamiyatimiz 
a’zolarining, xususan yoshlarning ma’naviy barkamol bo‘lishlari davlat ahamiyatiga 
ega bo‘lgan vazifalardan sanaladi. Ana shu bunyodkorlik jarayonining qudratli va hal 
qiluvchi kuchi, hech shubhasiz, ko’p millatli xalqimizdir. O’zbek xalqining necha 
ming yillik tarixida qanday murakkab davrlar, og’ir sinovlar bo’lganini barchamiz 
yaxshi bilamiz. Biz ajdodlarimizning yorqin xotirasini asrab-avaylab, qalbimizda, 
yuragimizda abadiy saqlaymiz. Bukilmas iroda, fidoyilik va jasorat namunasini 
amalda namoyon etib, o’z hayotini aziz Vatanimizning har tomonlama ravnaq 
topishiga bag’ishlagan ustoz va murabbiylarimiz, zamondoshlarimiz bilan biz cheksiz 
faxrlanamiz[1,23]. 
Jahon sivilizatsiyasi taraqqiyotiga ulkan hissa qo’shgan, millatimiz faxri, 
iftixori hisoblangan ulug’ alloma – Ibn Sinoning xizmatlari xolisona baholanayotir. 
Tarixiy haqiqatga asoslangan tarixiy xotira tiklanmoqda. Olimning ilmiy, falsafiy, 
ijtimoiy-siyosiy va tabiiy qarashlari juda serqirradir. Qaysi fan sohasiga qalam 
urmasin, unda o’z zikrini qoldira olgan. Mutafakkir o’z asarlarida ilm va odob-axloq 
uyg’unligi, barkamol avlod kamoloti va baxt-saodati, adolat va diyonat, insonlarning 
o’zaro do’stligi hamkorligi, rahbarning burchi va mas’uliyati to’g’risida qiziqarli 
g’oyalarni ilgari surgan. 
Ibn Sinoning axloqiy ta’limoti uning ijtimoiy-siyosiy va falsafiy g’oyalaridan 
kelib chiqadi. Axloq fani vositasida, –deb yozgan edi Ibn Sino, – inson o’z xatti-
harakatlarini o’rganib, kelgusida baxtli va faravon yashashga harakat qiladi [2,15]. 

---