Учебное пособие по предмету «Каракалпакский язык» написано и утверждено на основе учебного плана и рабочей программы. Учебное пособие предназначено для студентов высших учебных заведений, обучающихся по специальности на узбекском языке

14.3. «Konstituciya – insan máplerin qorǵawshı» degen temada shıǵarma jazıń.
14.4. Hár birińiz ómirbayan jazıp, bir – birińiz benen almastırıń bir – birińizdiń sotsiallıq awhalıńız haqqında tolıq maǵlıwmatqa iye bolıń.
Bayanlama (Protokol)
Bayanlama – bul mákeme hám shólkemlerde oqıw orınlarında ótkeriletuǵın hár qıylı jıynalıslar (keńes, májilis hám basqa da jámáátlik jıyınlar) haqqında, onıń qatnasıwshıları, olardıń shıǵıp sóylewleri haqqında, májiliste qabıl etilgen qararlar haqqında anıq, qısqa túrde maǵlıwmat beretuǵın rásmiy hújjet.
Turaqlı túrde ótkeriletuǵın májilisler, ilimiy keńesler, konferenciyalarda bayanlama jazılıwı zárúr.
Bayanlamanı rásmiylestiriw xatkerdiń wazıypası (yaǵnıy májilis xatkeri belgilenedi).
Jazılıwına qaray bayanlamalar qısqa, tolıq, stenografiyalıq, fonografiyalıq hám konspekt túrinde bolıwı múmkin. Qısqa bayanlamada tek ǵana májilistiń kún tártibi, shıǵıp sóylewshilerdiń sózi, qabıl alınǵan qararlar kórsetiledi.
Bayanlamanıń tiykarǵı zárúriy bólimleri:
1. Mákemeniń atı.
2. Hújjettiń atı.
3. Jıynalıstıń sánesi.
4. Jıynalıstıń ótkeriw ornı.
5. Jıynalıs baslıǵı familiyası, atı, xatkerdiń familiyası, atı.
6. Qatnasıwshılar sanı (yamasa dizimi).
7. Kún tártibi.
Tıńlandı.
Shıǵıp sóylegenler.
Qarar qabıl alındı.
Jıynalıs ótkerilgen kún bayanlamanıń sánesi bolıp esaplanadı. Bayanlamalardıń qatar sanı turaqlı túrde is alıp barıwshı mákemelerdiń kalendar jılı boyınsha izbe – iz dawam ete beredi.
Bayanlama kirisiw hám tiykarǵı bólimnen ibarat bolıp, kirisiw bólimi kún tártibinen soń eki noqat qoyılıp, qaralatuǵın máseleler qatarlıq san tártibinde beriledi. Hár bir másele bólek, ayırım qatardan jazıladı. Bayanlamada kún tártibi ataw sepliginde beriliwi kerek.
Hár bir másele úsh bóliminen ibarat boladı:
«Tıńlandı»
«Shıǵıp sóyledi»
«Qarar qabıl etildi»
Májiliste berilgen sorawlar bayanlamada jazıp barıladı.
Kún tártibindegi hár bir másele boyınsha ayırım – ayırım «qarar qabıl etildi» dep jazıladı.

Ájiniyaz atındaǵı Nókis mámleketlik pedagogikalıq institutı Filologiya fakultetiniń 1 – kurs talabaları májilisiniń

№ 2 Bayanlaması
Nókis qalası 2017 – jıl 5 – sentyabr
Baslıǵı – A.Nazarbekov (kurator)
Xatker – G.Suyunova.
Qatnasqanlar: 30 (topar talabaları tolıǵı menen qatnastı).
Kún tártibi:
1. Talabalardıń tártip – intizamı haqqında (bayanatshı A.Nazarbekov).
2. 1 – oktyabr «Ustazlar bayramı»na arnap ádebiy keshe shólkemlestiriwge tayarlıq kóriw. (J.Allabergenovanıń xabarlandırıwı).
1. TIŃLANDI:
A. Nazarbekov – (bayanatı qosa tigiledi).
ShIǴIP SÓYLEGENLER:
A.Pirjanova – (sóziniń qısqasha mazmunı jazıladı).
B.Nurjanova (sóziniń qısqasha mazmunı jazıladı).
QARAR QABIL ETILDI:
Qabıl etilgen qarar jazıladı.
2. TIŃLANDI:
J.Allabergenovanıń xabarlandırıwı – (xabardıń mazmunı bayan etiledi).
QARAR QABIL ETILDI:
Qabıl etilgen qararlar jazıladı.
Majilis baslıǵı: ________ ___________________
qolı atı, familiyası.
Xatker: ________ ___________________
qolı atı, familiyası.


14.5.Tapsırma. Óz toparıńızda «Konstituciya – baxtımız» atamasında 9 – aprel Qaraqalpaqstan Respublikası Konstituciyasınıń qabıl etiliwine baylanıslı májilis ótkeriń hám májilis bayanlamasın jazıń.
14.6. Kestege qarap basqa mámleketlerdiń Konstituciyası qabıl etilgen sánelerdi jazıń.

Ózbekstan Respublikasınıń Konstituciyası	1992 – jıl 8 – dekabr
Qaraqalpaqstan Respublikasınıń Konstituciyası	1993 – jıl 9 – aprel

14.7. Tapsırma. Ózbekstan Respublikası Konstituciyasınıń basqa respublikalardıń Konstituciyasınan ózgesheligi nede ekenligin internet materiallarınan anıqlap, sóylep beriń.