Учебное пособие по предмету «Каракалпакский язык» написано и утверждено на основе учебного плана и рабочей программы. Учебное пособие предназначено для студентов высших учебных заведений, обучающихся по специальности на узбекском языке

Qaraqalpaqsha	Ózbekshe
Inglisshe
uslub	uslub	style
aktiv	faol	active
passiv	passiv	passive
leksika	leksika	vocabulary
termin	termin	term

12. Institutım – maqtanıshım
Publicistikalıq uslub
12.1. Berilgen publicistikalıq tekstti dıqqat penen oqıń.
Zaman talabındaǵı bilim dárgayı
T uran topıraǵındaǵı xalıqlardıń eń kekse hám iri ilim oraylarınıń biri bolǵan Ájiniyaz atındaǵı Nókis mámleketlik pedagogikalıq institutı tek ǵana Qaraqalpaqstan respublikası emes, al qońsı Xorezm, Buxara, Nawayı wálayatları hám Túrkmenstan ushın da jaqın kúnlerge shekem qánigeler tayarlap, xalqımız súygen jetik pedagog ustazlardı jetilistirdi.
Respublikamızda «Kadrlar tayarlawdıń milliy baǵdarlaması», «Bilimlendiriw haqqında»ǵı Nızamı hám húkimetimizdiń 2004 – 2009 – jıllarǵa jobalastırılǵan mekteplerdi rawajlandırıwdıń Mámleketlik ulıwma milliy baǵdarlamaları óziniń maqsetli háreketin rawajlandırdı hám bul biziń jámáátimiz professor – oqıtıwshıları, student jasları aldına dáwir talabına say jańa wazıypalardı qoydı. Yaǵnıy, mektep bilimlendiriwin rawajlandırıwdıń Mámleketlik ulıwma milliy baǵdarlamasınıń maqseti – tek bilimlendiriw mákemelerindegi materiallıq – texnikalıq bazanı jaqsılawdan ǵana ibarat emes, al ósip kiyatırǵan jas áwladtıń tálim – tárbiyasınıń sapasın hám mazmunın dáwir talabı dárejesinde támiyinlewden onı jáhán standartlarınan qalıspaytuǵın dárejede bekkemlewden ibarat.
Házirgi waqıtta institutımızdıń kúndizgi (4895), magistratura (152) bólimlerinde 5038 student tálim aladı. Ullı maqset jolında institutımızda miynet etip atırǵan 500 den aslam professor – oqıtıwshılar 20 qánigelik boyınsha jılına 1600 den aslam jas pedagog kadrlardı tayarlap, ómirge jollama beredi.
Bilimlendiriwdiń sońǵı jańa texnologiyaların keń paydalanıwdı student jaslarımızǵa úyretiw hám qánigeliklerdiń ilimiy negizlerin tereńirek ashıw jolında jámáátimizdiń oqıtıwshıları ózleriniń ilimiy potencialın keńeytiwdi tárbiyalıq jumıs penen birge júrgizip, búgingi kúnde pedagogikalıq jámáátimizde 1 akademik, 20 ilim doktorı, professorlar, 107 ilim kandidatları, dotsentler ózleriniń ilim hám bilim sırların jaslarǵa úyretpekte.
Oqıw ornımızdıń qanshelli dárejede ullılıǵı hám jaslarǵa degen jarqın kózqarasın ayrıqsha atap ótiw orınlı. Óytkeni, bul dárgaydan kóp ǵana ilimpazlar qanat qaǵıp ilim aspanın sharlaǵan. Jaslar arasınan hár qıylı tańlaw jeńimpazları, chempionlar jetilisip shıǵıp atır.
Búgingi kúnde institutımız studentleri ózleriniń ziyrekligi, talapshań hám bilimdanlıǵı menen kózge túsip kiyatır.