Учебное пособие для студентов обучающихся по направлению изучающие все информационно коммуникационные системы, использующиеся в инженерных

I-BOB. ELEKTR ENERGETIКА USKUNALARI VA QURILMALARINING ELEKTR ENERGIYA TEXNIK ISROFI.

1. Elektr energiya iste’moli va texnik isroflarining hisoblash maqsadi va vazifalari.

Elektr energiya iste’moli va texnik isroflarining hisoblashdan asosiy maqsadlar va ushbu isroflarni hisoblashlash uslublari va vazifalari berilgan.
Tayanch iboralar: Elektr energiya, issiqlik elektr stansiya (IES), gidroelektr stansiya (GES) yoki atom elektr stansiya (AES), havo yoki kabel elektr uzatish yo‘li (EUY), avtomatik nazorat hisoblash, nazorat o‘lchov tizimlari, energiya resurs.
Elektr energiya bir qator fizikaviy xususiyatlari bilan energiyaning boshqa turlari, masalan issiqlik energiyasidan ajralib turadi. Bu xususiyatlarning birinchisi, elektr energiya ishlab chiqargan zahotiyoq iste’mol qilinishi kerak. Demak, har bir onda ishlab chiqarilgan va iste’mol qilinayotgan elektr energiya teng bo‘lishi kerak. Agar issiqlik elektr stansiya (IES), gidroelektr stansiya (GES) yoki atom elektr stansiya (AES) va boshqa turli elektr energiya manbalarining ishlab chiqaradigan elektr energiyasi iste’mol qilinayotgan elektr energiyadan kam bo‘lsa, ya’ni elektr energiyasi yetishmovchiligi ro‘y bersa, barcha Elektr energetika tizimi ishdan chiqadi.
Elektr energiyaning yana bir alohida xususiyati shundan iboratki, elektr energiyani havo yoki kabel elektr uzatish yo‘li (EUY) bilan qandaydir masofaga uzatilganda energiyaning bir
qismi yo‘qoladi va isroflanadi. Bu EUY va transformatorlarda elektr energiya issiqlik energiyasi ko‘rinishida ajralib chiqqan energiya. Bu elektr energiyaga xos fizikaviy xususiyat. Shuning uchun, masalan, quvurlar orqali qandaydir masofaga uzatayotgan gaz yoki suyuqlikning miqdori quvurning boshlanishi va oxirida baravar bo‘lsa, elektr energiya, EUY boshi va oxirida baravar emas, isroflar miqdorida kam. Bu energiya isroflari yoki energiyani yo‘qotish texnologik isroflar deyiladi. Hozirgi vaqtda ana shu isroflarni hisoblash, o‘lchash, nazorat qilish va iloji boricha kamaytirish elektr energetikaning asosiy muammolaridan biridir. Elektr energiya isrofi barcha mamlakatlarda har xil. Rivojlangan mamlakatlarda isroflar ishlab chiqaradigan yalpi elektr energiyani 4-5 % tashkil etsa, rivojlanayotgan mamlakatlarda 15-17 % ga teng. Isrofni kamaytirish, bu issiqlik elektr stansiyalarda ishlatadigan gaz va boshqa energetik yoqilg‘ilarni, neft mahsulotlari va gidro resurslarni tejash demakdir.
Demak, bu o‘ta dolzarb muammo, chunki har bir mamlakat uchun energiya resurs, ya’ni energiyani o‘ziga mujassamlagan gaz, neft, ko‘mir tejash strategik ahamiyatga ega.
Hozir butun dunyoda yoqilg‘ilar kun sayin qimmatlashib borayotgan bir davrda elektr energiya iste’moli va isroflarini yuqori aniqlik bilan o‘lchash va hisoblash o‘ta dolzarb vazifa. Faqat yuqori aniqlik bilan hisoblangan iste’mol va isroflar zaminida energiya tejash birlamchi kam xarajat chora tadbirlarini ishlab chiqish va bajarilishining uzluksiz nazoratni amalga oshirish mumkin. Demak, avvalo “elektr tarmoqlar” deb ataluvchi elektr energiyaning turli xil
elektr stansiyalardan iste’molchilarga uzatib taqsimlash uchun ishlatadigan asbob uskunalar: elektr uzatish yo‘llari, transformator podstansiyalar, o‘lchash majmualari va hokazolarning elektr energiya isrofining yuqori aniqlik hisoblash usullarini qo‘llash lozim. Bu yerda avvalo o‘lchash asboblari va hisoblash usullari hozirgi zamon avtomatik nazorat hisoblash va nazorat o‘lchov tizimlarining keng imkoniyatlariga tayanish lozim.
Ma’lum hududda joylashgan o‘lchash majmualarini qaydlangan jami elektr energiyasiga asoslanib, butun administratir hududda joylashgan iste’molchilarning elektr energiyasi hisoblanadi va texnologik isroflar shuningdek tijorat isroflari avtomatik ravishda EHM dastur asosida hisoblanadi. Mana shu hisoblar asosida energiya tejash chora tadbirlari qabul qilinib, uning bajarilishi ta’minlanadi.
Xulosa qilib aytish mumkinki, elektr energiya iste’moli va isroflarini hisoblash maqsadi texnologik va tijorat isroflarini aniqlash bo‘lsa uning vazifasi umumiy isroflarni me’yoriy qimmatlargacha pasaytiriladi.

2.