Учебно-методический комплекс по "Энтомологии" подгатовлен на основе современной педтехнологии. Настоящий комплекс подготовлен на основании действующей

 
 
 

---

91 
Hasharotlarning o‘rta ichagi turli yo‘llar bilan hosil bo‘lishi mumkin. Bir xil 
hasharotlarda ichak sariq moddadagi endodermal hujayralari hisobidan, boshqalarida oldingi va 
keyingi ichakning ayrim boshlang‘ich hujayralaridan va nihoyat bir qator hasharotlarda faqat 
oldingi ektodermal ichak hisobidan hosil bo‘ladi.
Malpigi naychalari esa orqa ichak ektodermasi hisobidan shakllanadi. Nerv sistemasi 
dastlab ektodermaning qorin pushtachasi holida shakllanadi va keyinroq ichkariga botib kiradi. 
Shundan so‘ng selomik xaltachalar yemirilib, ularning bo‘shlig‘i qo‘shilib ketishi tufayli 
miksotsel (aralash tana bo‘shlig‘i) hosil bo‘ladi. Erkin qoladigan hujayralar hisobidan muskullar, 
yurak, yog‘ tanacha va boshqa bir qancha ichki organlar kelib chiqadi. Hasharotlarda 
boshlang‘ich jinsiy hujayralar embrional rivojlanishning dastlabki davrlaridayoq hosil bo‘ladi. 
Embrion sariqlik modda hisobidan oziqlanib o‘sadi. Rivojlanishning so‘nggi davrlarida murtak 
qobiqlari yorilib, embrion tuxumdan chiqadi. Keyinchalik murtak qobiqlari so‘rilib ketadi. 
Tuxum po‘stidan chiqishi bilan hasharotlarning embrional rivojlanishi tamom bo‘lib, 
postembrional rivojlanishi boshlanadi.
Muhоkаmа uchun sаvоllаr:
1. Hasharotlarning embrional rivojlanish bosqichi haqida ma’lumot bering.
2. Turli hasharotlarning o‘ziga xos rivojlanish davrlari to‘g‘risida fikr bildiring.
3. Blastoderma, endoderma, xorion va amnion so‘zlarining lug‘aviy ma’nosini 
bayon qiling.
4. Hasharotlarning embrional yo‘li nechta qavatdan tashkil topgan? 
5. Hasharotlarda embrional rivojlanish qachondan boshlanadi? 
3-sаvоl bo‘yichа dаrs mаqsаdi:
Hasharotlarning postembrional rivojlanish 
bosqichlari haqida ma’lumot bеrish.
Idеntiv o‘quv maqsadlari: 
3.1. Hasharotlarning to‘liqsiz va to‘liq rivojlanishini izohlaydi.
3.2. Hasharotlarning lichinka xillarini tushuntirib bеradi.
3.3. Hasharotlarning g‘umbak xillarini tushuntirib bеradi.
3.4. Hasharotlarning hayotida haroratning ahamiyati haqida ma’lumot bеradi.