У. Юлдашев, М. Мамаражабов, С. К. Турсунов

76.1-расм. Кўриниши ўзгарадиган ниқобга мисол



77.1-расм. Қўшимча фонли қатламга эга ниқоб



78.1-расм. Таҳрирлаш режимида қўшимча фонли қатламга эга ниқоб кўриниши

Бундай декорацияни кўриш учун, қуйидаги кетма-кетликларни бажариш керак:

1. 
   Ниқоб қатламини ва ниқобланган қатлам яратиш («ниқоб яратиш» бўлим остида ёзилган йўл билан зарур ҳолатларда – ниқобни анимациялаш);
   
2. 
   Яна битта қатлам ҳосил қилиш учун, ниқоб қатлам номи устида сичқон ўнг тугмасини босинг ва контекстли менюдан Insert Layer буйруғини олинг.
   
3. 
   Янги қатламни рўйхатдаги ниқобланган қатлам остига қўйинг. (яъни уни энг пастга қўйинг); шундан кейин янги қатлам автоматик равишда ниқобланган ҳолатга ўтади.
   
4. 
   Қўшилган қатлам устида сичқон ўнг тугмасини босинг ва қатлам улчамлари ойнасини очиш учун контекстли менюдан Properties буйруғини беринг.
   
5. 
   Қўшилган қатламни «одатий» ҳолатга қайтариш учун Properties мулоқот ойнасида Туре > Normal ҳолатига ўтказинг.
   

Эслатма. Агар сиз битта ниқоб билан боғлиқ бир нечта ниқобланган қатламни ҳосил қилишни хохласангиз, навбатдаги ниқобланган қатламни ҳосил қилиш учун, яратилган қатламлардан бири устида сичқон ўнг тугмасини босинг ва контекстли менюдан Insert Layer буйруғини беринг. Натижада янги қатламга автоматик равишда Masked параметри ўрнатилади.

FLASH MX да презентация тайёрлаш

Бизга Power-Pointда презентация тайёрлашдан маълумки презентация тайёрлаш учун аввало тақдим қилинаётган маълумотларни тўлиқ экранда чиқиши катта аҳамиятга эга. Чунки, фойдаланувчи бошқа дастурларга чалғимаслиги ва бор эътиборини фақат шу маълумотга қаратмоғи керак. Power-Point да слайдлар тайёрлангандан кейин, «Показ слайдов» режимида тўлиқ экран қилиб намойиш қилиш мумкин. Аммо Flash да эса бу жараённи амалга ошириш бироз бошқача кечади. Бунинг учун қуйидаги кетма-кетликни амалга оширилади:

• 
  аввал намойиш қилинадиган презентация слайдларини алоҳида файлларда яратиб олинади;
  
• 
  уларнинг намойиши тўлиқ экранда кечиши учун ҳар бир файлда алоҳида қатлам олиб, Actions панелига қуйидаги ифодани киритамиз: