У. Юлдашев, М. Мамаражабов, С. К. Турсунов

Анимациялашган ниқоблар
73.1-расмда кўрсатилган айлана шаклдаги ниқобни чап ва ўнг томон оралиғида ҳаракатланишини кўриб чиқамиз.

73.1-расм. Ҳаракатланадиган ниқобга мисол.

Бунинг учун қуйидаги кетма-кетликларни бажаришимиз лозим:

1. 
   Ниқобламоқчи бўлган қатламга бирор-бир расмни жойланг (масалан, импорт буйруғи ёрдамида).
   
2. 
   Ниқобланадиган қатлам номига сичқон ўнг тугмасини босинг ва контекстли менюдан Insert Layer буйруғини беринг.
   
3. 
   Янги ҳосил бўлган қатламда ўзингизга керакли шаклни чизинг.
   
4. 
   tweened-анимация ҳаракатини ҳосил қилинг.
   
5. 
   Сичқон ўнг тугмасини ниқобли қатлам устида босинг ва контекстли менюдан Mask буйруғини олинг.
   
6. 
   Ниқобланган қатлам қаторининг охирги кадри устида сичқоннинг ўнг тугмасини босинг ва контексли менюдан Insert Frame буйруғини беринг; биринчи ва охирги кадрлар ораси оддий кадрлар билан тўлади.
   

Юқорида кўрсатилган жараёнлар бажарилгандан сўнг анимацияланган ниқобли фильмнинг вақт диаграммаси 74.1- расмдагидек бўлади.

74.1-расм. Анимациялашган ниқобнинг вақт диаграммаси кўриниши.

Энди ниқобни матн майдони асосида ҳосил қилинган бирмунча мураккаб мисол ёрдамида кўриб чиқамиз. Бу ниқоб ҳаракати вақтида фақатгина сурилиб қолмасдан балки бурилиш имкониятига ҳам эга (73.1-расм).

Бундай имкониятни фақат иккита қўшимча механизмни қўллаш ҳисобига таъминлаш мумкин:

• 
  берилган символлар ойнада акс этиш кетма-кетлиги;
  
• 
  tweened-анимациянинг биринчи кадрига Properties панелидан айлантириш ўлчамларини ўрнатиш;
  

75.1-расм. Матн майдони асосидаги ниқобга мисол

Кўриниши ўзгарадиган ниқобни ҳосил қилиш учун юқорида кўрилган кетма-кетликларни бажариш керак. Фарқли томони фақат ниқобни «жонлантириш» учун tweened-анимация қўлланилиши керак. Бунга ўхшаш оддийроқ мисол 75.1-расмда кўрсатилган. Агар ниқобни ҳосил қилишда битта фонли қатлам ўрнида иккита фонли қатлам қўлланса бунданда қизиқроқ натижа олиш мумкин. Яхшироқ тасаввур қилиш учун 76.1-расмга қаранг. Бу ерда ниқоб оқ майдон бўйича эмас, балки расм бўйича сурилади.