У. Юлдашев, М. Мамаражабов, С. К. Турсунов

67.1-расм. Actions панелида animatsiya.swf файлини юкланиш ифодаси.

Дастлабки Flash – фильмни намойишининг ихтиёрий вақтида тугмани боссанганимизда, animatsiya.swf файлидаги фильм юкланади. Тугмаларнинг бу имкониятидан бир фильмдан иккинчисига ўтишда ёки орқадаги фильмга қайтишда фойдаланиш мумкин.

Объект ҳаракати траекториясини бошқариш

Flash да асосий қатлам - Guide Layer тушунчаси мавжуд. Асосий қатламлар иккита хусусиятга эга:

• 
  биринчидан, сиз унга фақат таҳрирлаш режимида кўринадиган изоҳлар жойлашингиз мумкин. Бу изоҳлар SWF форматига экспорт қилинмайди; шу маънода Guide сўзини «бошқариш», «кўрсатма» деб тушуниш мумкин;
  
• 
  иккинчидан, асосий қатлам ёрдамида объектнинг бир жойдан иккинчи жойга кўчиш ҳаракати траекториясини бошқариш мумкин (tweened-анимация ҳаракати ёрдамида).
  

Guide қатламни яратиш учун қуйидаги кетма-кетликни амалга ошириш керак:

1. 
   Вақт диаграммаси панелида қатламлар рўйхатидан ихтиёрий қатлам устида сичқон ўнг тугмасини босинг ва контекстли менюдан Insert Layer буйруғини беринг.
   
2. 
   Янги ҳосил қилинган қатлам устида сичқон ўнг тугмасини босинг ва контекстли менюдан Guide бандини танланг.
   

Натижада қатламлар рўйхатида қатлам номи яқинида болғача кўринишидаги белги ҳосил бўлади. Бу белги фақат таҳрирловчи учун мўлжалланганини билдириб, фойдаланувчилар («томошабинлар») буни кўришдан мустасно. 68.1–расмда кўрсатмали қатламга мисол келтирилган.

68.1-расм. Кўрсатмали қатламга мисол
Юқорида айтилганидек бош қатламнинг иккинчи кўриниши ҳаракатланаётган объект траекториясини (босиб ўтиши керак бўлган йўлни чизмасини) белгилайди.
Объектни кўрсатилган траекторияда ҳаракатлантириш учун қуйидаги кетма-кетликни бажариш керак:

1. 
   Анимацияланган объект қатламининг номи устида сичқон ўнг тугмасини босинг.
   
2. 
   Контекстли менюдан Add Motion Guide буйруғини беринг; натижада қатламлар рўйхатида махсус белги остида асосий қатлам ҳосил бўлади. (69.1-расм).
   

69.1-расм. Асосий қатламни объект ҳаракатини бошқаришда қўлланилиши

3. 
   Асосий қатламни фаоллаштириш учун уни номи устида сичқон-ча чап тугмаси билан босамиз.
   
4. 
   Чизишнинг ихтиёрий инструменти ёрдамида (Pen, Pencil, Oval, Brush, Rectangle) объект ҳаракатланиш траекториясини тасвирланг.
   
5. 
   Анимациянинг биринчи кадри катакчасини сичқонча чап тугмаси билан белгиланг ва Properties панелидан Orient to Path (маршрут бўйича мўлжал олиш) байроқчасини танланг;
   
6. 
   Анимациянинг охирги кадри катакчасини сичқон чап тугмаси ёрдамида белгиланг ва кадрнинг Properties панелидан худди шу байрокчани ўрнатинг.
   
7. 
   Анимацияланган объектдан белгилашни олиб ташлаб, фильни намойиш қилиш учун Control > Test Movie буйруғини беринг.
   

Эслатма. Агар сиз кесишадиган траектория ҳосил қилган бўлсангиз, у ҳолда объект кесишиш натижасида ҳосил қилган йўл бўйича ҳаракатланади (70.1-расм).

70.1-расм. Объект ҳаракатида маршрутнинг ўзгариши