У. Юлдашев, М. Мамаражабов, С. К. Турсунов

Фильмга товушни бириктириш

Flash да фильмларга товуш ҳам бериш мумкин. Компьютерда сақланаётган товуш файли ёки товушни ёздириш орқали ҳам ҳар хил товуш файлларини импорт қилиш йўли билан бериш мумкин. Бунинг натижасида Flash да товушли фильм ҳосил бўлади. Яъни анимация намойиш қилинаётган вақтда ҳаракат билан бирга ўнга мос ёки ўнга тегишли товуш ҳам ижро қилинади. Бунинг учун қуйидаги кетма-кетлик амалга оширилади:

• 
  Аввал Flash да ихтиёрий фильм яратилади.
  
• 
  Фильмга ўрнатилиши лозим бўлган товушни махсус дастурлар ёрдамида компьютерга ёзилади ёки компьютер хотирасида тайёр товуш сақланаётган бўлса, ундан ҳам фойдаланиш мумкин.
  
• 
  Товушни тайёрлаб олгандан сўнг, File менюсидаги Import буйруғи берилади.
  
• 
  Натижада 60.1-расмдаги Import мулоқот ойнаси ҳосил бўлади. Ойнадан фойдаланиб ўрнатмоқчи бўлган товуш файлини кўрсатамиз. Натижада товуш файли импорт қилинади.
  

60.1–расм. Import мулоқот ойнаси кўриниши.

• 
  Сичқон ёрдамида ихтиёрий қатламдаги биринчи кадрни танлаб, Properties панелидан Sound рўйхатини очамиз. Рўйхатдан ўзимиз импорт қилган товуш файлини танлаганимизда, ўша қатламда товуш ўрнатилади (61.1-расм).
  

61.1–расм.
Эслатма. Фильмдаги товуш билан анимацион ҳаракат синхрон равишда берилиши устида тест ўтказиш керак. Агар улар синхрон бўлмаса фильмдаги анимация қатламларидаги кадрлар сонини кўпайтириш йўли билан синхронлаштириш мумкин (бунинг учун кадрлар орасига сичқон чап тугмасини босиб, F5 тугмасини босиш йўли билан кадр қўйилади, натижада анимациянинг намойиш вақти чўзилиб товушга яқинлашади).

Товушли тугмалар яратиш

Юқорида кўрсатилган мисолдан фойдаланиб тугмаларга ҳам товуш бериш мумкин. Бунинг учун қуйидаги кетма-кетлик амалга оширилади:

• 
  аввал тугма қўйилади ёки Flash нинг ўзига чизиш йўли билан ҳосил қилинади;
  
• 
  қўйилган ёки чизилган расмни тугмага айлантириш учун унинг устида сичқон чап тугмасини босиш йўли билан белгиланади сичқоннинг ўнг тугмаси босилганда қуйидаги меню ҳосил бўлади;