U. X. Safarov, N. M. Karakulov

Go‘sht sanoati. 
Go‘sht yetishtirish va go‘sht mahsulotlarini ishlab chiqarish 
avvalambor Yevropaning rivojlangan mamlakatlari (ayniqsa Frantsiya, Germaniya, 
Italiya, Ispaniya, Niderlandiya, Daniya va Belgiya), Shimoliy Amerika, Avstraliya 
va Yangi Zelandiya, shuningdek ba’zi rivojlanayotgan mamlakatlar – Xitoy, 
Braziliya, Argentina, Urugvay kabilarning xalqaro ixtisosligi hisoblanadi. Yillik 
go‘sht tayyorlash 290 mln. t. ni tashkil etib, uning tarmoq tarkibida cho‘chqa 
go‘shti katta salmoqni tashkil qiladi (21 -rasm). 
37,9 
21,1 
17,2 
4,5 
19,3 
% 
Cho'chqa go'shti 
Mol va buzoq go'shti 
Parranda go'shti 
Qo'y va echki go'shti 
Boshqa turdagi go'shtlar 

---

134 
Go‘sht ishlab chiqarishning tarmoq tarkibi. 21- rasm. 
Jahon mintaqalari orasida go‘sht ishlab chiqarishda Osiyo (30%) yetakchilik 
qiladi. Jahon bozorida go‘sht mahsulotlarini eksport qilishda yetakchi davlatlar 
G‘arbiy Yevropa mamlakatlari (jahon eksportining 50% ga yaqini), AQSh, 
Braziliya, Avstraliya kabilar bo‘lsa, eng ko‘p import qiluvchilar G‘arbiy Yevropa 
mamlakatlari, Rossiya va Yaponiya hisoblanadi. 
Sut sanoati.
Sut va sut mahsulotlarini ishlab chiqarish Yevropa, AQSh, 
Rossiya, Belorus, Ukraina, Avstraliya va Yangi Zelandiya mamlakatlarida yaxshi 
rivojlangan. Sut mahsulotlari ichida fransuz va fin sariyog‘i, Finlyandiya va 
Estoniya qaymog‘i, Frantsiya, Germaniya, Niderlandiya, Shveytsariya, Litva 
pishloqlari va Frantsiya, Germaniyada ishlab chiqariladigan yogurtlar juda 
mashhurdir.
Jahon bozoriga sut mahsulotlarini yetkazib beruvchi asosiy mamlakatlar 
Yevropa (ayniqsa Shimoliy va Markaziy Yevropa mamlakatlari), Avstraliya, 
Yangi Zelandiya, asosiy import qiluvchi mamlakatlar MDH davlatlari va Xitoydir.