U. Radjapov, F. Miraxmedov, G. Shorayeva jismoniy madaniyat nazariyasi va metodikasi

2.2. Sport jamiyatlari va ularning quyi tarmoqlari tuzilishi


«O’zbekiston» jismoniy tarbiya-sport jamiyati

O’zbekistonda Jismoniy tarbiya harakatini boshqarishda Jismoniy tarbiya va sport davlat qo`mitasi hamda boshqa davlat idoralariga ko’maklashuvchi sport jamiyatlari haqida o’tgan bo’limlarda ma’lumotlar bayon etildi. Bu bo’limda esa ularning tarixiy shakllanishi, rivojlanishi va hozirgi davr sharoitidagi asosiy vazifalari bilan tanishtiriladi.

O’zbekiston Respublikasi Kasaba uyushmalari federatsiyasi Markaziy Kengashi tarkibida tarmoqlilik tamoyillari asosida yaqin o’tmishimizgacha turli sport jamiyatlari faoliyat ko’rsatib keldi, natijada, mustaqillikga erishish yillaridan boshlab barcha sport jamiyatlari yagona kasaba uyushmalari sport jamiyatiga birlashtirildi vaO’zbekistonda bu jamiyat 1991 yilda qayta ko’rib chiqilib, uning ta’sis anjumanida O’zbekiston Respublikasida kasaba uyushmalari federatsiyasining jismoniy tarbiya-sport jamiyati («O’zbekiston») deb qabul qilindi. Bu sport jamiyatining Nizomida ta’kidlanganidek, u mustaqil ravishda o’zini zi moliyaviy ta’minlash yo’liga o’tdi.

Bu sport jamiyatining Markaziy Kengashi, hay’ati, bo’limlari mavjud. Uning qoshida viloyatlar va barcha tumanlardagi kasaba uyushmalari jismoniy tarbiya va sport jamiyatlari kengashi tuzilgan. Ularning tarkibida maxsus sportklublari mavjud. Ba’zi viloyatlar va tumanlarda bu sport jamiyatini «Paxtakor» sport jamiyati deb qabul qilganlar. Bu, o’z navbatida, aniq maqsadga qaratilganligidan dalolat beradi. Chunki barcha viloyatlarning ko’pgina tumanlari qishloq aholisi va mehnatkash ishchi sportchilarni o’z ichiga oladi.

Kasaba uyushmalari jismoniy tarbiya-sport jamiyati ko’p tarmoqli va keng qamrovli jamiyatlar tarkibiga kiradi. Shu sababdan ishlab chiqarish jarayonlari, mehnat turlari, shart-sharoitlarning qay darajadaligi jamiyatning faoliyatini belgilaydi. Bu sport jamiyatining Nizomida uning tashkiliy tuzilishi, vazifalari, moddiy-texnik manbai, moliyaviy-xo’jalik faoliyatlari va boshqa

46

sohalar aniq belgilab berilgan.Ma’lumki, jismoniy tarbiya va sport harakatining boshlang’ich tashkiloti - jismoniy tarbiya jamoalari va sport klublaridir. Ular ishlab chiqarish korxonalari, o’quv muassasalari va turli muassasalarda maxsus Nizom asosida tashkil etiladi.