U. Radjapov, F. Miraxmedov, G. Shorayeva jismoniy madaniyat nazariyasi va metodikasi

1.7. Mutaxassis xodimlar, sport jamoalari,
uyushmalar bilan ishlash

Jismoniy tarbiya va sport sohasidagi mutaxassis xodimlar bilan ishlash sport qo’mitalari rahbarlari va mas’ul xodimlarning eng muhim vazifalaridan biri.

O’zbekiston Davlat sport qo’mitasidagi rahbarlar va bo’lim boshliqlari, mutaxassis xodimlar bilan bevosita ichki ishlardagi faoliyatlar to’g’risida muloqatda bo’ladilar. Shuningdek, musobaqalarni tashkil qilish, ularni o’tkazish bilan bog’liq masalalarda murabbiylar, hakamlar, mutasaddi tashkilotlarning shu sohaga mas’ul xodimlari bilan ish olib boradilar.

Viloyat, tuman, shahar, sport qo’mitalari ning rahbarlari va xodimlari ham murabbiylar, hakamlar, o’qituvchilar, sportchilar bilan doimiy munosabatda bo’ladilar. Bunday faoliyatlarda sport mashg’ulotlarini tashkil qilish, sport inshootlari, jihozlar, buyumlar, kiyimlar bilan bog’liq masalalar hal qilinadi.

Jismoniy tarbiya va sportga aloqador tashkilotlar, idoralar, sport tashkilotlari, sport markazlari xodimlari yuqorida ta’kidlangan masalalarga doir ishlarni xal qilishda yaqindan munosabatda bo’lishni taqozo etadi.

Tajribalarning ko’rsatishicha, sport tashkilotlari xodimlari orasida murakkab bahslar, muammolar ko’p uchraydi. Shu sababdan quyidagi e’tibor berish lozim:

23

• 
  qonunlar, qarorlar, qoidalar, Nizomlarda qayd etilgan jihatlarni eslash,
  

eslatish;

• 
  og’ir, vazmin bo’lish va o’zini tuta bilish
  
• 
  jaxl va ehtiroslarga berilib ketmaslik;
  

• 
  ish yuzasidan kelgan xodimlarning barcha savollari va muloxazalarini diqqat bilan eshitish, ularga to’g’ri baho berish va hal qilish;
  

• 
  amalga oshirib bo’lmaydigan ishlarni xal qilishga va’da bermaslik;
  

• 
  eng tajribali va yutuqlarni qo’lga kiritgan murabbiylar, mutaxassislarni ma’naviy hamda moddiy jihatdan rag’batlantirib turish;
  

• 
  sport jamoalari (komanda) a’zolari va ularning murabbiy hamda boshqa rahbarlari bilan ochiq suhbatda bo’lish;
  

• 
  sport jamiyatlari, sport federag’iyalari (uyushmalari) xodimlari bilan mas’ul vazifalar, eng zarur tadbirlarni o’tkazish haqida bo’ladigan rasmiy muloqot, suhbatlar jarayonida ularning mustaqil tashkilotlar hamda o’z maqomiga ega ekanligini nazarda tutish.
  

Jismoniy tarbiya va sport sohasini ilmiy asosda ta’minlash boshqaruvchilikda katta muammolardan biridir. Bu asosan ikki yo’nalishga bo’linadi:

1.Terma jamoalarning mashg’ulotlarini ilmiy-uslubiy jihatdan ta’minlash.

2. 
   Aholining barcha tabaqalari, ayniqsa, o’quvchi yoshlar, sport maktablarida shug’ullanuvchilarning mashg’ulotlarini ilmiy tadqiqotlarning natijalari asosida tashkil etish.
   

Bu ikki yo’nalishda ham ilmiy tajribalar, sinov, nazorat, ko’rik ishlarini o’tkazish talab etiladi. SHu sababdan sport tashkilotlarining ish faoliyatida ilmiy-uslubiy ishlarni olib borish, ilmiy muassasalar, oliy o’kuv muassasalari jismoniy tarbiya kafedralari xodimlarining ilmiy-ijodiy faoliyatlariga tayanish lozim bo’ladi.