U. Radjapov, F. Miraxmedov, G. Shorayeva jismoniy madaniyat nazariyasi va metodikasi

To’garaklar tashkil qilish

Sport turlari va xalq milliy o’yinlari bilan shug’ullanuvchilarni bir joyga to’plab, komandalar mashg’ulotlarini to’garak sifatida tan olish, ularning barchasini uyushgan holda jismoniy tarbiya jamoasi yoki uyushmasini ta’sis etish. Barcha faoliyatlarni yuritish uchun Kengash saylash (har bir sport turi komandasining sardori kengash a’zosi etib saylanadi) hamda uning raisi (prezidenti)ni ham saylash lozim bo’ladi.

66

Jamoa (uyushma) kengashi raisi va a’zolari mahalla oqsoqollari kengashi bilan doimiy aloqada bo’lishi va hal qilinishi zarur bo’lgan masalalarni moslashtirib turishi kerak.

Mahalla oqsoqollari kengashi, o’z navbatida, mahallada tashkil etilgan sport jamoasi uyushmasi haqida tuman-shahar hokimiyati, sport qo’mitasi va boshqa mas’ul idoralarga ma’lum qilishi lozim. SHu tariqa maxalladagi komandalar, to’garaklar va sport jamoasining tashkiliy-tarkibiy, uning Nizomi va boshqa zarur tomonlari huquqiy hujjatlar bilan rasmiylashtirilishi shart.

Dam olish maskanlarida (sport lagerlari, istirohat bog’lari va x.k.) sog’lomlashtirish ishlari

Aholi istiqomat joylarida dam olish va sog’lomlashtirish maskanlari shakli quyidagicha bo’lishi mumkin:

1. 
   Istirohat va ko’ngil ochish bog’lari.
   
2. 
   Anhor, ko’l, suv ombori va katta ariq yoqalari.
   

3. 
   Talabalarning dam olish oromgohlari lager.
   
4. 
   Sport oromgohlari (sport lageri).
   
5. 
   Mahalla va uylar oldidagi bolalarning o’yin maydonlari.
   

Bu shakllardagi dam olish maskanlarining qurilish, shart-sharoitlari, imkoniyatlari har xil bo’lishi tabiiydir. Shu sababdan ularda tashkil qilinadigan komandalar, sog’lomlashtiruvchi guruhlar, ularning mashg’ulotlari hamda musobaqalari ham shundan kelib chiqqan holda har xil bo’ladi. Bunday turli-tuman joylarda o’yinlar, mashg’ulotlar va musobaqalarni tashkil etish mutasaddi tashkilotlar, jamoat tashkilotlari, mahalla-qishloq oqsoqollari kengashi hamda faollari tomonidan olib boriladi. Bu faoliyatlarda jismoniy tarbiya va sport mutaxassislari, tibbiy xodimlar, qutqaruvchi va nazorat xizmatlari bo’lishi kerak.

Umumiy xulosa shundan iboratki, mamlakatda olib borilayotgan turli ommaviy tadbirlarda sport turlari va xalq milliy o’yinlari mazmun topmoqda. Ularni tayyorlash va o’tkazishda aholi turar joylaridagi faollar yaqindan yordam bermoqda.