Tuzuvchilar: ttymi t f. n., dotsent R. S. Razikov ttymi t f. d professor S. S. Sulaymanov ttymi assistant H. M. Komilov Taqrizchilar: t f. n., dotsent

11 - LABORATORIYA ISHI
Favqulodda vaziyatlarda birinchi tibbiy yordam
Ishning maqsadi: Jarohatlanganda, shikastlanganda va zaharlanganda vrachgacha birinchi tibbiy yordam ko`rsatish usullari va tartiblarini o`rganish, tibbiy yordam ko`rsatish bo`yicha amaliy ko`nikma hosil qilish.
Mashg’ulot rejasi:
1. Umumiy ma`lumotlar
2. Dastlabki tibbiy yordam ko`rsatish tartib-qoidalari:
- elektr tokidan jarohatlanganda;
- zaharlanganda;
- singanda, bo`g’imlar chiqqanda, paylar cho`zilganda;
- kuyganda;
- qon ketganda;
- issiq, quyosh yoki sovuq urganda;
- suvga cho`kkanda;
- tuproq ostida qolganda;
- ilon va zaharli hashoratlar chaqqanda;
- jarohatlanib hushdan ketganda.
3. Sun`iy nafas berish va yurak massaji
4. Maneken-trenajyorda tajriba ishi
5. Hisobot tarkibi
Kerakli jihozlar: Maneken-trenajyor, jgut, bint, margantsovka.


Topshiriqlar:
1.Turli xil holatlardagi jarohatlanishlarda vrachgacha birinchi tibbiy yordam ko`rsatish usullarini o`rganing.
2.Maneken-trenajyorda sun`iy nafas berish va yurakni massajini bajaring.
3.Ish bo`yicha hisobot tayyorlang, jarohatlanganda birinchi tibbiy yordam ko`rsatish usullarini batafsil yoriting.
Tayanch iborar: Jarohat, shikastlanish, zaharlanish, hushsizlik, qon ketishi, sun`iy nafas berish, yurak massaji.


11.1. Umumiy ma`lumotlar
Inson o`zining hayotiy faoliyati davomida turli xil xavfli va zararli omillar ta`sirida ma`lum bir sabab bilan baxtsiz hodisalarga duch keladi. Xavfning turi va ta`sir darajasi yoki baxtsiz hodisaning sababiga bog’liq holda jarohatlanish turi va darajasi ham turlicha bo`lishi mumkin.
Aksariyat hollarda jarohatlanish va shikastlanishlar to`satdan yuz beradi. SHuning uchun shikastlangan kishiga zudlik bilan dastlabki yordam ko`rsatish juda muhimdir. Buning uchun dastlabki yordamni ko`rsatayotgan kishi harakatlari tez, aniq, to`g’ri va o`ylab amalga oshirilmog’i lozim.