Тузувчи: пс ф. н., доц. Шойимова Ш. С. Тошкент педиатрия тиббиёт институти педагогика ва психология кафедраси

1-Мавзу : Психология фанига кириш. Тиббиётда психологик билимларнинг ўрни ва аҳамияти
Тузувчи: пс.ф.н., доц. Шойимова Ш.С.
ТОШКЕНТ ПЕДИАТРИЯ ТИББИЁТ ИНСТИТУТИ
Педагогика ва психология кафедраси
5510200 - Педиатрия иши 2 курс
1. Психология фанининг предмети, обьекти, мақсади ва вазифалари
2. Психологиянинг тиббиётдаги ахамияти
3. Психика ва онг
4. Психологиянинг асосий принциплари, методлари, тармоқлари.
5.Психологиянинг қисқача тарихи.
РЕЖА

• Психология юнонча psychelogos сўзи “жон”, “руҳ” ҳақидаги фан, таълимот деган маънони англатсада, аммо ҳозирги даврда “жон” тушунчаси ўрнига “психика” қўлланилиб келинмоқда. “Психика” тушунчаси бугунги кунда “жон”дан кенгроқ кўламга эга бўлиб, ҳам кўзга кўринувчи, ҳам кўзга кўринмовчи томонларини ўзида акс эттиради.

• Психиканинг таркибий қисмлари бўлмиш фаолият, хулқ, муомала яққол намоён бўлиш хусусиятига эга бўлса, билиш жараёнлари, психик ҳолатлар, ички кечинмалар, ижодий режалар, илмий фаразлар эса мияда мужассамлашгани учун улар кўзга кўринмайди.

ПСИХОЛОГИЯ ФАНИНИНГ ПРЕДМЕТИ, МАҚСАДИ ВА ВАЗИФАЛАРИ

• Психика юксак даражада ташкил топган материянинг хусусияти ва миянинг маҳсули бўлиб, у борлиқнинг сезги органлари орқали инсоннинг миясига бевосита таъсир этиши асосида вужудга келиб, билиш жараёнларида, шахснинг хусусияти ва ҳолатларида, диққати, ҳис-туйғулари, характер хислатларида, қизиқиши ҳамда эҳтиёжларида ўз ифодасини топади.

Психология бўйича адабиётларда унинг предметини қисқача қилиб, психикадир, деб таърифлашади.
Психиканинг турли шаклларда кўриниши, жумладан, психик жараёнлар, англанилмаган ҳолатлар, хулқ-атвор, психосоматик (юнонча psyche “жон” somo “тана” маъносини англатади) ҳодисалар, инсон ақл-заковати ва қўлининг мўъжизакорлиги моддий ва маънавий маданият маҳсулини яратди. Ҳар қандай фактларда (воқеликда), ҳодисаларда психика намоён бўлиб, ўзининг хусусиятларини ажратади ва фақат улар орқалигина психикани ўрганиш мумкин бўлади.