Turoperatorlik faoliyati

Bosh kataloglar, asosan turistlarga mo‘ljallangan bo‘lib, odatda, katta miqdorda foto suratlari va reklama ma’lumotlari bilan ta’minlangan katta hajmli va rangli nashr hisoblanadi.

Xizmat kataloglari asosan turagentliklarning amaliyotda foydalanishlari uchun mo‘ljallangan. Ularda, qoida bo‘yicha, reklama ma’lumotlari, rangli suratlar va boshqalar bo‘lmaydi. Bu ko‘proq turlar grafiklari, jadvali, preyskurantlar, ulgurji chegirmalar, turagentlarga komissionlar va sof xizmat ma’lumotlari bo‘ladi. Katalog matniga jiddiy e’tibor berish kerak Avvalo, u to‘g‘ri tuzilgan bo‘lishi lozim. Ba’zi nashrlarda uchraydigan xatolar ularning qadrini va ularga ishonchni sezilarli darajada tushiradi, muqovadagi xatolar esa butun tirajning muomaladan chiqarilishiga va jiddiy zararlarga olib kelishi mumkin. Matn materiallarni tayyorlashda ularni yirik bloklarda berish maqsadga muvofiq emas. Odam (agar uning qo‘lida reklama nashri bo‘lsa) o‘z xotirasiga katta hajmdagi ma’lumotlarni "joylashgan" ongli ravishda qarshilik ko‘rsatadi. Matnni qismlarga ajratish va ularni qiziqtiradigan nomalar bilan ta’minlash zarur, ya’ni, bu erda kurortlar tasvirlanishi, mamlakatshunoslik va boshqa ma’lumotlar nazarda tutiladi. Agar gap mahalliy valyuta, choychaqalar miqdori, elektr tarmog‘i kuchlanishi kabilar haqida bo‘lsa, bu erda "intriga" o‘rinli emas, asosiysi ma’lumotni qabul qilish uchun ishonchlilik va oddiylikdir.