Turli zardoblarni yuborish

Hiqildoq difteriyasi. Hiqildoq difteriyasi ko'pincha nafas yo'Harming torayishiga va nafasning qiyinlashishiga olib keladi laringitlarda kuzatiladigan soxta krupdan farqli o'laroq, chin yoki difteriya krupi deyiladi. Difteriya krupi yallig'lanish jarayonining tarqalishiga qarab 1) mahalliy (faqatgina hiqildoq zararlanadi) va 2) tarqalgan; a) hiqildoq va traxeyaning zararlanishi, b) hiqildoq, traxeya va bronxlarning zararlanishi bilan kechuvchi turlarga bo'linadi.
Hiqildoq difteriyasi klinik kechishiga qarab bir necha bosqichda o'tadi. Odatda kasallik yuqori harorat, dag'al yo'tal va tovushni qisman xirillashi bilan boshlanadi. Bu davrda nafas jarayoni odatdagidan unchalik qiyinlashmaydi. Bu hiqildoq difteriyasini I bosqichi yoki kataral bosqich deyiladi. Bu bosqich 2-3 kundan 7-8 kungacha davom etishi mumkin. Kichik bolalarda bu bosqich qisqaroq bo'ladi. Ikkinchi bosqich stenotik bosqich bo'lib bunda nafas yo'llari ancha torayadi. Bu davrda yo'tal it hurgandagiga o'xshagan tus oladi (cho'ziqroq, qo'pol yo'tal), bolaning tovushi butunlay yo'qolishi mumkin, lab-burun uchburchagi ko'karadi, nafas jarayoni qiyinlashadi, asta-sekin kislorod yetishmaslik alomatlari paydo bo'ladi. Bolaning bezovtalanishi kuchayadi, nafas jarayonida ko'krak qafasining qo'shimcha mushaklari ishtirok eta boshlaydi.
Tashxisi. Keyingi paytlarda difteriyaning kam uchrashi va uning klinik manzarasida ba'zi o'zgarishlar bo'Hshi tufayli, uning tashxisi biroz qiyinlashdi. Shunga qaramay, izchillik bilan to'plangan kasallik tarixi, epidemiologik vaziyat va difteriyaning asosiy klinik belgilari uning tashxisini qo'yishga imkon beradi. Har bir tashxis bakteriologik yo'l bilan asoslanishi shart.
Davolash. Asosiy davolash usuli difteriyaga qarshi antitoksik zardobni qo'llashdir. Kasallikni davolashda uning turiga, og'irlik darajasiga va qaysi bosqichda ekanligiga katta e'tibor berish zarur. Yuqorida qayd qilinganidek, difteriyada ko'pincha a'zolarning faoliyati buziladi, shuning uchun ham davolash maqsadida dori-darmonlar ishlatiladi. Agar yurak faoliyati buzilgan bo'lsa, yurak glikozidlari (masalan, strofantinning 0,5% li eritmasi 0,1-0,3 ml miqdorda 20% li glukoza eritmasi vena tomiriga yuboriladi), vitamin С va В guruh vitaminlari qo'llanadi.