Турли сув режими шароитларида F

Турли сув режими шароитларида F₂ дурагай комбинацияларининг кўсаклар сони кўрсаткичи ўрганилди.
Сув билан оптимал таъминланганлик шароитида F₂ дурагай ўсимликларининг кўсаклар сони белгиси бўйича кўрсаткичлари 15,6 донадан 19,7 донагача бўлиб, бунда энг юқори кўрсаткич Ишонч х С-6524 (19,7 дона) ва Навбаҳор-2 х Ишонч комбинацияларида, энг паст кўрсаткич эса 15,6 донадан Ишонч х Навбаҳор-2 ва P3 x P4 комбинациялари ўсимликларида аниқланди (-жадвал).
Ота-она навларининг кўсаклар сони белгиси бўйича ўзгарувчанлик кўлами 5-6 синфни ташкил этган бўлса, F₂ дурагайлари ичидан P3 x P2 комбинациясида белгининг ўзгарувчанлиги кўлами 9 синфни ўз ичига олди. Нисбатан тор ўзгарувчанлик кўлами, яъни 6 та синф P4 x P2 комбинациясида кузатилган бўлса, қолган комбинацияларда белги ўзгарувчанлиги 7-8 синфлар орасида эканлиги аниқланди (жадвал).
Ўсимликдаги кўсаклар сони бўйича ота-она навларига нисбатан ўнг томонли трансгрессив ўзгарувчанлик 12 та F₂ комбинациясидан 3 тасида қайд этилган бўлса, чап томонли трансгрессия 9 та F₂ комбинацияларида намоён бўлди.
Барча F₂ комбинацияларида кўсаклар сони бўйича вариация коэффициенти кўрсаткичи 24,8% дан 44,2% гача бўлиб, ота-она ва F₁ комбинацияларига нисбатан катта ўзгарувчанлик мавжудлиги қайд этилди.
кўсаклар сони белгисининг наслдан-наслга берилиши (h²) юқори бўлиб, 0,82 дан (Ишонч х Л-490), 0,95 гача (Ишонч х Л-501) ни ташкил этди.
F₂ комбинациялари ўсимликларининг сув танқислиги шароитидаги кўсаклар сони кўрсаткичлари 17,6 г. дан 62,8 г. гачани ташкил этди. Белги бўйича энг юқори кўрсаткич F₂ Ишонч х Л-490 (62,8 г.) комбинацияси ўсимликларида кузатилган бўлса, F₂Ишонч х Л-501 комбинацияси ўсимликлари энг кам кўсак (17,6 г.) тўплаганлиги аниқланди.
F₂ комбинацияларида кўсаклар сони белгиси бўйича ўзгарувчанлик кўлами 9 дан 12 тагача синфни ташкил этди. Бунда кўрсаткичлар F₂ Омад х Ишонч комбинациясида 9 та синфга, F₂ Ишонч х Детерминант-2 ва Омад х Детерминант-3 комбинацияларида 11 та синфга қолган комбинацияларда эса 12 синфга ажралганлиги кузатилди. (3.5.2-расм).
Сув танқислиги шароитида ўсимлик маҳсулдорлиги белгисининг наслдан-наслга берилиш коэффициенти (h²) Л-490 х Детерминант-3 комбинациясида 0,52 бўлган бўлса, Омад х Детерминант-2 комбинациясида 0,71 ни ташкил этди. Бошқа F₂ комбинацияларида ҳам белгининг наслдан-наслга берилиш коэффициенти (h²) ўртачадан то юқори даражада бўлиб, 0,52-0.71 оралиғида эканлиги аниқланди.