Туркистон даврий матбуотида ўлкадаги ижтимоий аҳволга доир серқирра маълумотлар орасида аҳолига тиббий ёрдам кўрсатиш масалалари алохида урин тутган

Mavzuning dolzarbligi: O’zbekistonning birinchi prezidenti I.A.Karimov o’zining bir qator chiqishlarida kishilar dunyoqarashi va jamiyat mafkurasining shakllanishida ijtimoiy fanlarning xususan, tarix fanining o’rni beqiyosligini ta’kidlab o’tdi. Jumladan, Prezidentimiz milliy mafkuraning shakllanish jarayonida tarix fanining o’rniga g’oyat yuksak baho berib: “Milliy mafkurani shakllantirishdagi eng katta manba bu haqqoniy yoritilgan tarixdir” ¹, -deb ko’rsatadi . O’zbekiston zamonaviy mustaqil davlat sifatida 1991- yilda tarix sahnasida paydo bo’ldi. Har qanday jamiyat hayotida bunday tub,olamshumul o’zgarishlar bosqichma –bosqich, ba’zi bir necha o’n yilliklar va hatto asrlar davomida amalga oshadi. O’zbekiston o’z mustaqilligini qo’lga kiritib, uni mustahkamlash va shuning asosida yangi demokratik jamiyat qurish yo’liga o’tdi.² Tarixga xolisona baho berish barobarida shuni anglash kerakki, asrlar yillar davomida shakllanib kelayotgan jamiyat o’z turmush tarzi, milliy mentaliteti, an’ana va urf odatlaridan mahrum etilishi uning butun tarixiga tajovuz ekanligi hech kimga sir emas. Insonning hayoti uning o’tmish tarixidan ayriq holda tassavur etib bo’lmaydigan jihatlardandir. Mustamlaka va zulm davrida insonning o’z xalqiga tazyiq o’tkazilib, unga hech qanday erkinlik va mulkka egalik hissi paydo bo’lishiga yo’l qo’yilmay kelingan. Ushbu bitiruv malakaviy ishda yana bir jihat muhimki, tariximiz sahifalarida shaxs ma’naviy hamda moddiy g’ariblik komiga olgan, o’zligi va kelajagini tasavvur eta olmagan bir tarixiy davrni ochib beradi.Xalqning milliy o’zligini anglashda alohida ahamiyat kasb etgan ma’naviy meros ichida davriy matbuot alohida urin egallaydi.³O’zbekistonda mustamlaka sharoitida kechgan ziddiyatli va murakkab ijtimoiy va iqtisodiy hamda madaniy jarayonlarni o’rganish imkonini berdi. Shu bois,matbuotning matbuotning hozirga qadar Vatan tarixshunosligida maxsus tadqiqot ob’ekti sifatida tadqiq etilmaganligi mavzuning dolzarbligini va ilmiy ahamiyatini belgilab beradi.