Туризмда маркетингнинг моҳияти

TURISTIK KORXONALAR MARKETINGINI TASHKIL ETISH VA NAZORAT QILISH
10.1. Marketing xizmatlarini kuchli tuzilmasini tashkil etish
10.2. Marketing xizmat vazifasini belgilash
10.3. Marketing nazorati tizimi


10.1. Marketing xizmatlarining kuchli tuzilmasini tashkil etish
Turistik korxonada marketing konsepsiyasini amalga oshirish uchun tegishli marketing xizmati amalga oshiriladi. Tur korxonaning tashkiliy strukturasida marketing xizmati har bir bo‘lim faoliyatini amalga oshiruvchi zvenodir. Marketing bo‘limining asosiy tashkiliy turizmlari qo‘ydagilardir:
-funksional tashkil qilish;
-mahsulot prinsipi bo‘yicha tashkil qilish;
-mintaqaviy prinsip bo‘yicha tashkil qilish;
Marketing bo‘limini funksional tashkil qilish shuni anglatadiki, har bir masalani echish bo‘yicha javobgarlik aloxida shaxs yoki guruhga biriktiriladi:

11-chizma. Marketing bo‘limini funksional tashkil etish.

CHizma har bir turfirmaning faoliyat doirasiga qarab o‘zgarishi mumkin. Bu turfirmaning shakli, yoki marketing bo‘limiga ajratilgan e’tiborga ham bog‘liq. Ba’zi firmalar reklama va jamoat bilan ishlash bo‘limini alohida ajratishadi.

Mahsulot prinsipi bo‘yicha marketing bo‘limini tashkil qilishda asosiy e’tibor turmahsulotlarning ayrim turlarini taklif qilishga qaratiladi. Bu holda har bir turmahsulot yoki mahsulotlar to‘plamiga o‘z boshqaruvchisi tayinlanadi.

12-chizma. Marketing bo‘limini tarmoqlar bo‘yicha tashkil etish.

Keng tarmoqli sotish tarmog‘iga ega bo‘lgan yirik turfirmalar ko‘pincha marketing xizmatini mintaqaviy prinsip bo‘yicha tashkil qiladi. Bunda ular milliy va mintaqaviy bozorda ishlash sharoitiga qarab funksional mustaqillika ega bo‘lishadi. SHuni e’tiborga olish lozimki, marketing xizmatini tashkil qilishning istalgan sharoitda qo‘llaniladigan ideal tuzilmasi yo‘q. Biz keltirgan tashkiliy strukturalarning o‘z kamchilik va kuchli tomonlari bor.