Turizm va mehmonxona xo’jaligi” kafedrasi o’zbekiston iqtisodiyoti fani bo’yichA

Qisqacha xulosalar
1. Agrosanoat majmuasining iqtisodiyot va mamlakat aholisi uchun muhim strategik ahamiyati uzluksiz ravishda, sifatli va yetarli miqdorda oziq-ovqat mahsulotlari bilan ta’minlashga xizmat qilishi bilan izohlanadi. Agrosanoat majmuasi yirik 3 sohani o‘z ichiga oladi.

2. Mustaqillikning dastlabki yillaridan yerga mulkchilik munosabatlarini, qishloq xo‘jaligi ishlab chiqarish tarkibini hamda qishloq turmush tarzini o‘zgartirishga qaratilgan agrar islohotlar amalga oshirila boshlandi. Bu agrosanoat majmuasida amalga oshirilayotgan bozor islohotlarining muvaffaqiyatlariga xizmat qildi.

3. Qishloq xo‘jaligi agrosanoat majmuasining markaziy bo‘g‘ini hisoblanadi. O‘zbekistonda qishloq xo‘jaligi milliy iqtisodiyotning tayanch sohalaridan biridir.

4. Mamlakatimizda bozor islohotlari, avvalo, qishloq xo‘jaligida mulkchilik munosabatlarini, yerga bo‘lgan egalik tushunchalarini o‘zgartirishdan boshlandi. Mustaqillik arafasida islohotlarning muhim yo‘nalishlaridan biri aholiga tomorqa yerlarini bo‘lib berish, qishloq xo‘jaligida kishilarga tadbirkorlik erkinligini berildi.

5. Qishloq xo‘jaligida bozor munosabatlari takomillashuviga hal qiluvchi ta’sir ko‘rsatadigan xo‘jalik yuritish shakli, bu – fermer xo‘jaliklaridir. Ko‘p tarmoqli fermer xo‘jaliklari faoliyatini qo‘llab-quvvatlash esa agrosanoat majmuasini rivojlantirishning asosiy yo‘nalishlaridan biri hisoblanadi.

6. Oziq-ovqat ta’minotini yo‘lga qo‘yishda, aholi uchun xavfsiz va sifatli mahsulotlar ishlab chiqarishda, shuningdek, oziq-ovqat sanoati uchun sifatli xomashyo yetkazib berishda chorvachilik sohasidagi xo‘jalik yurituvchi subyektlarning faoliyati muhim ahamiyat kasb etmoqda.