Turizm va mehmonxona xo’jaligi” kafedrasi o’zbekiston iqtisodiyoti fani bo’yichA

Qisqacha xulosalar

1. Milliy ishlab chiqarishni rivojlantirishda ishlab chiqarish salohiyatining o‘rni katta. Uni ifodalaydigan umumlashtiruvchi ko‘rsatkich asosiy fondlarning qiymatidir. 2013-yilning boshida O‘zbekistonda barcha asosiy fondlarning qiymati 123,8 trln. so‘mni tashkil etdi.

2. Asosiy fondlar (ishlab chiqarish vositalari, asosiy kapital) ishlab chiqarishning «suyak va muskul» tizimini tashkil etadi.

3. Asosiy fondlar o‘z vazifasiga ko‘ra faol va nofaol, ishlab chiqarish va noishlab chiqarish, tovarlar ishlab chiqaradigan va xizmatlar ishlab chiqaradigan turlarga bo‘linadi.

4. Asosiy fondlarning salohiyati ularga kapital kiritish orqali yangilash, rekonstruksiya qilish, eskilarini chiqarib yuborish orqali oshirib boriladi. O‘zbekistonda ularning qiymati yildan yilga oshib bormoqda.

5. Ijtimoiy-iqtisodiy rivojlanishni yuqori darajada ta’minlash maqsadida davlat ilmiy, ilmiy-texnika siyosatini olib boradi.

6. Ilmiy salohiyat fundamental ilmiy tadqiqotlarning resurs va shart-sharoitlari majmuasini bildiradi.

7. Ilmiy-texnika salohiyati – amaliy tadqiqotlar resurs va shart-sharoitlari, tajriba-konstruktorlik va tajriba-texnologik ishlar majmuasini o‘z ichiga oladi.

8. Innovatsiya salohiyati – barcha turdagi ilmiy tadqiqot va ishlanmalar natijalarini amaliy o‘zlashtirishni ta’minlovchi resurslar va shart-sharoitlar majmuasidir.

9. O‘zbekistonda yuqori texnologiyali tovarlar ishlab chiqaradigan tarmoqlar, sanoat korxonalari mavjud. Ilmiy texnika va innovatsion faoliyatning iqtisodiy huquqiy-me’yoriy asoslari yaratilgan.

10. O‘zbekistondagi qator oliy o‘quv yurtlarida oliy malakali innovator-kadrlar tayyorlanmoqda.