Turizm va mehmonxona xo’jaligi” kafedrasi o’zbekiston iqtisodiyoti fani bo’yichA

Qisqacha xulosalar
1. O‘zbekiston iqtisodiyotining muhim tarmoqlaridan biri transport sohasi. Bu tarmoq iqtisodiyot real sektorida ishlab chiqarilgan yuklarni, shuningdek, yo‘lovchilarni bir joydan ikkinchi joyga eltishni, mamlakat hududlari o‘rtasida, korxonalar va iqtisodiyot tarmoqlari o‘rtasida ayirboshlash va kommunikatsiyani ta’minlaydigan sohadir.

2. O‘zbekiston qadimdan Buyuk ipak yo‘li markazida joylashgan davlat hisoblanadi. Mustaqillik yillarida mana shu xalqaro va mintaqaviy transport koridorlari yana qayta tiklandi va rivojlantirilmoqda.

3. Mustaqillik yillarida mamlakat transport tizimi tashkiliy, iqtisodiy-moliyaviy hamda institutsional jihatdan takomillashib bordi. Muhimi, uning yuk va yo‘lovchi tashish salohiyati yildan yilga ortib bordi.

4. Mamlakatimizning transport tizimi temir yo‘l, avtomobil yo‘llari, zamonaviy asbob va uskunalar bilan jihozlangan temir yo‘l vokzallari, temiryo‘l ko‘priklari, tonnellari, stansiyalari, bekatlari, yuk omborlari, pristanlar, havo flotining yirik aerovokzallari, aeroportlar, neft va gaz quvurlari hamda ularga xizmat ko‘rsatuvchi tuzilmalar, turli infratuzilma obyektlarini o‘z ichiga olgan xo‘jalik majmuasidan iborat.

5. Iqtisodiyotda davlat ulushini kamaytirish, turli mulkchilik shakllarini qo‘llab-quvvatlash siyosati natijasida transport sohasida ham davlat mulki ulushi borgan sari kamaytirilmoqda.

6. Yo‘l-transport infratuzilmasini taraqqiy ettirish sanoatni jadal rivojlantirish, uning salohiyatini oshirish, yo‘lovchi va yuk tashish samaradorligini oshirish, aholining turmush sharoitini yaxshilash va ishchi kuchi mobilligini ta’minlashga xizmat qiladi.

7. Bugungi kunda O‘zbekistonning jahon bozorlariga qulay va tez chiqib olishi uchun imkoniyatlardan samarali foydalanish zarur. Xalqaro tasnifga ko‘ra, O‘zbekistonning jahonning turli mintaqalariga chiqishi uchun beshta guruh transport koridorlari mavjud.