Turdikulova gulshad nurmamatovnaning

Biznes birlashuvni belgilash
3 Tadbirkorlik sub’ekti mazkur MHXS dagi ta’rifni qo’llash orqali operatsiya yoki boshqa hodisa biznes birlashuvi ekanligini aniqlashi lozim, qaysiki sotib olingan aktivlar va zimmaga olingan majburiyatlar biznesni tashkil etishini talab etadi. Agarda sotib olingan aktivlar biznes bo’lmasa, hisobot beradigan tadbirkorlik sub’ekti operatsiyani yoki boshqa hodisani aktiv xaridi sifatida hisobga olishi lozim. B5-B12 bandlar biznes birlashuvini aniqlash bo’yicha yo’riqnomani va biznes ta’rifini ta’minlaydi.
Sotib olish usuli
4 Tadbirkorlik sub’ekti sotib olish usulini qo’llash orqali har bir biznes birlashuvini hisobga olishi lozim.
5 Sotib olish usulini qo’llash quyidagilarni talab etadi:
(a) sotib oluvchini belgilash;
(b) sotib olish sanasini aniqlash;
(v) sotib olingan aniqlanadigan aktivlarni, zimmaga olingan majburiyatlarni va sotib olinuvchidagi har qanday nazorat-qilinmaydigan ulushni tan olish va baholash; va
(g) gudvill yoki manfaatli xariddan foydani tan olish va baholash.
Sotib oluvchini belgilash
6 Har bir biznes birlashuvida, birlashadigan tadbirkorlik sub’ektilarning biri sotib oluvchi sifatida belgilanishi lozim.
7 MHXS 10 dagi yo’riqnomadan sotib oluvchini – boshqa tadbirkorlik sub’ekti, ya’ni sotib olinuvchi, ustidan nazoratga ega bo’ladigan tadbirkorlik sub’ektini – belgilashda foydalanish lozim. Agarda biznes birlashuvi sodir bo’lib, lekin MHXS 10 dagi yo’riqnomani qo’llash birlashadigan tadbirkorlik sub’ektilarning qaysi biri sotib oluvchi ekanligini aniq ko’rsatmasa, B14-B18 bandlardagi omillar ushbu aniqlashni amalga oshirish uchun ko’rib chiqilishi lozim.
Sotib olish sanasini aniqlash
8.Sotib oluvchi sotib olish sanasini aniqlashi lozim, qaysiki u sotib olinuvchi ustidan nazoratga ega bo’ladigan sanadir.
9 Sotib oluvchi sotib olinuvchi ustidan nazoratga ega bo’ladigan sana umuman olganda sotib oluvchi yuridik tarzda tovonni o’tkazadigan, aktivlarni sotib oladigan va sotib olinuvchining majburiyatlarini o’z zimmasiga oladigan sana – oxirgi sanadir. Biroq, sotib oluvchi nazoratga oxirgi sanadan oldinroq yoki keyinroq bo’lgan sanada ega bo’lishi mumkin. Masalan, sotib olish sanasi oxirgi sanadan oldin keladi, agarda yozma kelishuv sotib oluvchi oxirgi sanadan oldin sotib olinuvchi ustidan nazoratga ega bo’lishini ta’minlasa. Sotib oluvchi sotib olish sanasini belgilashda barcha o’rinli ma’lumotlarni va holatlarni ko’rib chiqishi lozim.