Тупроқ унумдорлигига салбий таъсир этувчи жараёнларга қарши курашишнинг геоэкологик асослари

       O’simliklari.

  Viloyat  hududining  rel’ef  tuzilishi,  iqlim  va  tuproq 

qatlamlarining  o’ziga  xos  xususiyatlari  tabiiy  o’simliklarning  tarqalishiga  kuchli 

ta’sir ko’rsatadi. Cho’l o’simliklaridan (tekislik) to alp o’tloqlariga (yuksak tog’lar 

-  betagalik)  qadar  “tik”  yo’nalishda  tarqalgan  o’simlik  olami  Namangan  viloyati 

uchun  ham  xosdir.  Cho’l  o’simliklari  Markaziy  Farg’ona  qismida  tarqalgan. 

Tuproq-gruntning harakteriga ko’ra to’qay o’simliklari qamish, qo’g’a, tol, jing’il 

kabilar sizot suvlari yer yuziga chiqib yotgan yerlarning o’simliklaridir. Galofitlar 

sho’rxok  va  sho’rlangan  yerlarda  keng  tarqalgan  bo’lib,  ajriq,  sho’ralarning  turli 

vakillari, salsola (artemizi) kabilar keng tarqalgan. Psamofitlar - qum sezuvchilar: 

cherkez, qandim, turnag’i, saksovul kabilar bilan band. 

Namangan  viloyati  hududi  kuchli  sur’atlar  bilan  o’zlashtirilgan  va  paxta, 

sholi,  beda,  makkajo’xori  kabilar  asosiy  madaniy  ekinlar  sifatida  ekiladi.  Ular 

oralab  begona  o’tlar  –  kurmak,  qamish,  qo’g’a,  ituzum,  burgan,  ajriq  ariq 

bo’ylarida yalpiz o’sib yotadi. Adirlarning katta qismi o’zlashtirilganligi oqibatida 

ayrim  o’simliklar  yo’q  qilib  yuborilgan.  O’zlashtirish  qiyin  bo’lgan  joylarda 

---

 

48 

shuvoq,  sho’ra  va  efimer  o’simliklar  o’sib  yotadi.  Rel’efning  ko’tarilishi  bilan 

sho’ra-boshoqlilar  katta  maydonlarni  egallaydi.  Bu  o’simliklar  qish  va  bahorda 

yog’inning  ko’p  bo’lishi  hisobiga  o’sadi.  Ayniqsa,  bahordagi  yog’inlar 

efimerlarning  qalin  va  ko’p  o’sishiga  olib  keladi.  Yoz  boshlanishi  bilan 

yog’ingarchilik  to’xtaydi,  havo  harorati  ko’tariladi,  tuproq  namsizlanadi,  shag’al 

qizib ketadi va efimerlar gullab, mevalab, o’z hayotini tugatadi. Ko’p yillik shuvoq 

va  sho’ralar  esa  to  kech  kuzgacha  o’sib  yotadi.  Adirlarning  yuqori  qismlarida 

shuvoq-boshoqli va efimer o’simliklar o’sadi. Bu joylarda sho’ralar o’smaydi yoki 

juda kam, landshaftning asosini boshoqlilar tashkil etadi. 

Tog’oldi  va  yuksak  tog’lar  (Betagalik)  o’simlik  olamiga  nisbatan  boyligi 

bilan ajralib turadi. Tog’oldi hududlari asosan bahor va kuz   oylarida, yuksak tog’ 

massivlari esa (Betagalik, O’rtali va boshq.) yozgi yaylovlar sifatida foydalaniladi.