Туберкулез клиникасида шошилинч тиббий ёрдамни талаб этиувчи холатлар. Режа

БЦЖ БИЛАН ҚАЙТА ЭМЛАШ
Туғилганда эмланган болаларда иммунитет 5-7 йил давомида сақланади. Эмлашлар орасида 5-7 йил танаффус қилиш БЦЖ дан кейин унга давомли иммунитет бўлмаслигига асосланади. Бу муддатда иммунитет атиги 4-45 % эмланганларга сақланиб қолади. Айниқса 7 яшарлик болаларнинг қарийб 50 % (туғилганларида БЦЖ билан эмланган) эмлашдан кейинги аллергияни йўқотадилар. Айнан 5 ёшда эмлашлар орасида танаффус қилиш ўринли бўлади, у кўп йиллик илмий тадқиқотлар билан асослаб берилган. Бундай интервалда турғун иммунитет яратилади, унинг таъсирчанлиги ошади, силдан бирламчи инфицирланиш даражаси 1.5-2 баравар, касалланиш эса 5-7 марта камаяди. Шу сабабли 7 ёшда БЦЖ билан бир марта эмлашгача камайтириш бўйича ЖССТ нинг тавсияларига қарамасдан, республикада қарор топган эпидемиологик вазият ва эмланганларда иммунитетнинг сақланиш муддатларига асосланиб, эмлашлар тақвимида 7 ва 14 ёшда БЦЖ билан қайта эмлаш қолдирилган.
БЦЖ билан қайта эмлашни илгарилари инфекция юққан болаларда асоратларга йўл қўймаслик учун туберкулинга манфий натижа олганларига 2 ТБ Манту синамаси кўйилгандан кейингинаўтказиш зарур. Олдиндан туберкулинга синама қўйиб аниқланмасдан, инфекция юққан болалар нотўғри эмланганда юз берувчи асоратлар 45 % гача учраб туради.
Туберкулин синамаси қўйилган муддат билан БЦЖ ни қайта эмлаш орасидаги муддат 2 ҳафтадан ошмаслиги ва 2 ТБ Манту реакциясидан кейин 3 кун ўтиши лозим.
БЦЖ билан қайта эмлашга организмнинг умумий реакциялари ва эмлаш белгиларининг ривожланиш динамикаси вакцина билан ҳил бўлсада, аммо бунда иммуногенез жараёнлари бироз тезлашади. Агар эмланган чақалокларда эмлашга бўлган маҳаллий реакциялар 6-8 ҳафта ўтиб пайдо бўлса, БЦЖ билан қайта эмланганларда 1-2 ҳафта ўтгач юзага келади.
БЦЖ билан қайта эмлаш ўтказиш техникаси ва юбориладиган доза БЦЖ билан эмлашдаги каби бўлади (тери ичига 0,1 мл дан 0,05 мг). БЦЖ билан қайта эмлашга ажратиш учун 2 ТБ Манту реакциясига режалар ва эмлашларнинг ўзи болалар поликлиникаларида поликлиника мудири ёки иммунолог раҳбарлигида амалга оширилади. Бу ишга поликлиниканинг бош врачи жавобгар бўлади. Режалар ҳудудий СЭСга ва силга қарши диспансерга юборилади, такдим этилган эмлаш режалари текшириб кўрилади вазарур бўлганда уларга тузатишлар киритилади.