Dictyostellium discoideum.
1-psevdoplazmodiy; 2-plazmodiydan sporalarni hosil bo‘lishi.
SHilimshiqning bu turi laboratoriyada agarli ichak tayoqchali oziqda o‘sadi, 3‑4 kunda rivojlanishini to‘la o‘tadi. SHu boisdan undan turli tadqiqotlar olib boriladi. Diktilosteliyalarni protoste-liyalar bilan uzoq qarindoshligi bor deb taxminlanadi. SHu bilan birga araziyalarga o‘xshashligi va farqlari ham bor.
HAQIQIY ZAMBURUG‘LAR OLAMI- FUNGI ( MYCOTA)
Haqiqiy zamburug‘lar bu turli tuman tuzulishlarga ega bo‘lgan, vegetativ tanasi hujayralarga bo‘lingan, oddiy tuzilganlari bir hujayrali yoki rizomitselliyga ega organizmlar. Hujayra devorida odatda xitin, mannan va glyukanlar: boshqa moddalar, hususan sel-lyuloza kam uchraydi. Mitoxondriylari yassi kristga ega. Diktio-soma CHytridiomycetlarning ba’zi turlarini hisobga olmaganda yo`q. Eng sodda tuzulilishga ega bo`lgan turlaridagina xivchin bor.
Zamburug‘larning ko‘pchiligi uchun rivojlanishda qisqa muddat davom etadigan meyosporangiy hosil qilish bilan yakunla-nadigan diplodavr harakterli. Zamburuglarning ekologiyasi ham anchagina turlicha: saprotroflar, tekinho‘rlar va simbiontlar ham bor.
Zamburuglar olami odatda bir necha bo‘limlarga bo‘linadi.
1.Xitridiomitsetlar (CHitrydiomycota). Mitselliysi yaxshi rivojlanmagan yoki vegetativ tanasi bir hujayradan iborat, ba’zan hujayrasini po`sti yo‘q, rizomitselliyli ko‘rinishga ega bo`lgan turlari bor. Jinssiz ko‘payishi bitta, qamchisimon xivchinli zoosporalar yordamida amalga oshadi. Jinsiy jarayon turli tipdagi geterogamiya yoki xologamiya ko‘rinishida o‘tadi. Hujayrasining devorida xitin va glyukanlar bor. Xitridiomitsetlardagina xivchinli bosqich mavjud.
2. Zigomitsetlar ( Zygomycota). Mitselliysi yaxshi rivojlangan, ko‘pchilik vakillarida u hujayralarga bo‘linmagan. Jinssiz ko‘pa-yishi sporangisporalar yordamida qisman konidiyaga o‘xshab bitta sporali sporangiylar bilan amalga oshadi. Jinsiy jarayon zigo-gamiya, mitselliyning hujayra devorida xitin va xitozan bor.
3. Askomitsetlar (Ascomycota). Mitselliysi yaxshi rivojlangan, hujayralarga bo`lingan. Achitqisimon ko‘rinishga ega bo`lganlari ham uchraydi. Jinssiz ko‘payishi konidiyalar yordamida, jinsiy jarayon ko‘pincha gametangigamiya tarzida o‘tadi. Jinsiy ko‘payish natijasida hosil bo‘ladigan sporalari endogen- xaltada yuzaga keladi. Hujayra devorida xitin va glyukanlar; achitqilarda – glyukanlar va mannanlar bo‘ladi.
4. Bazidiomitsetlar (Basidimycota). Mitselliy yaxshi rivojlan-gan, hujayralarga bo‘lingan. Achitqisimonlari ham ma’lum. Jinssiz rivojlanishi konidiyalar orqali ro‘y beradi. Jinsiy jarayon davrida xech qanday jinsiy hosilalar yuzaga kelmaydi. Jinsiy ko‘payish sporalari ekzogen – bazidiyalarda hosil bo‘ladi. Hujayra devorida xitin va glyukanlar bor.
Takomillashmagan zamburug‘lar yoki deytromitsetlar alohida guruh sifatida ajratiladi, ularda jinsiy sporalarni hosil bo‘lishi noma’lum.
XITRIDIOMITSETLAR BO‘LIMI - (CHYTRIDIOMYCOTA).
Do'stlaringiz bilan baham: |