Тсз: Молия / Солиқлар (йиғимлар, божлар)] Ўзбекистон республикасининг солиқ кодекси

173-модда. Рағбатлантириш хусусиятига эга тўловлар
Рағбатлантириш хусусиятига эга тўловлар жумласига қуйидагилар киради:
Олдинги таҳрирга қаранг.
1) йиллик иш якунлари бўйича мукофот;
(173-модданинг 1-банди Ўзбекистон Республикасининг 2011 йил 30 декабрдаги ЎРҚ-313-сонли Қонуни таҳририда — ЎР ҚҲТ, 2011 й., 52-сон, 556-модда)
2) юридик шахснинг мукофотлаш тўғрисидаги қоидасида назарда тутилган рағбатлантириш хусусиятига эга тўловлар;
3) касб маҳорати, мураббийлик учун тариф ставкаларига ва маошларга устамалар;
Олдинги таҳрирга қаранг.
4) таътилга қўшимча ҳақлар ҳамда ушбу Кодекс 178-моддасининг 16-бандида назарда тутилмаган моддий ёрдам;
(173-модданинг 4-банди Ўзбекистон Республикасининг 2015 йил 31 декабрдаги ЎРҚ-398-сонли Қонуни таҳририда — ЎР ҚҲТ, 2016 й., 1-сон, 2-модда)
5) кўп йил ишлаганлик учун пул мукофоти ва тўловлар;
LexUZ шарҳи
Қаранг: Ўзбекистон Республикаси Президентининг 2005 йил 19 августдаги ПҚ-158-сонли «Ўзбекистон Республикаси Қуролли Кучлари ҳарбий хизматчиларини ижтимоий муҳофаза қилиш тизимини янада такомиллаштириш чора-тадбирлари тўғрисида»ги қарори 2-бандининг иккинчи — олтинчи хатбошилари, Ўзбекистон Республикаси Президентининг 1995 йил 20 октябрдаги ПФ-1280-сонли «Ўзбекистонда театр ва мусиқа санъатини янада ривожлантиришни қўллаб-қувватлаш ва рағбатлантириш чора-тадбирлари тўғрисида»ги Фармонининг 1-банди, Ўзбекистон Республикаси Вазирлар Маҳкамасининг 1993 йил 9 июлдаги 343-сонли «Ўзбекистон Республикаси судяларини, прокуратура ва адлия органлари ходимларини ижтимоий ҳимоя қилишни кучайтириш тўғрисида»ги қарорининг 1-банди, Ўзбекистон Республикаси Вазирлар Маҳкамасининг 1991 йил 18 мартдаги 62-сонли қарори билан тасдиқланган «Жумҳурият шаҳар электр транспорти корхоналари ходимларига кўп йиллик хизмат учун бир йўла мукофот беришнинг тартиби ҳақида»ги низом, «Учқудуқ, Зарафшон, Нуробод шаҳарлари ва шаҳар кўринишидаги Зафаробод шаҳарчасидаги бюджет ташкилотлари ва муассалари ходимларига кўп йил ишлаганлик учун пул мукофоти ва тўловлар тўлаш тартиби тўғрисида»ги низом (рўйхат рақами 1026, 13.04.2001 й.).
6) рационализаторлик таклифи учун тўлов.
Олдинги таҳрирга қаранг.
7) меҳнат натижалари билан боғлиқ бўлмаган бир йўла бериладиган мукофотлар.
(173-модда Ўзбекистон Республикасининг 2011 йил 30 декабрдаги ЎРҚ-313-сонли Қонунига асосан 7-банд билан тўлдирилган — ЎР ҚҲТ, 2011 й., 52-сон, 556-модда)