Túsindiriw xatı

Teoriyalıq bilim negizleri
Dene shınıǵıwlarınıń insan ómirine hámde salamatlıǵına paydalı áhimiyeti.Mektep oqıwshılarınıń jeke kún tártibi.Dene shınıgıwları menen shuǵıllanıwdıń giygenik qaǵıydaları.Azanda sabaqqa shekem ótkiziletuǵın gimnastika shınıǵıwların orınlaw qaǵıydaları hámde talapları.Dene shınıǵıwların orınlawda jaraqatlanıwdıń aldın alıw tártibi.Durıs awqatlanıwǵa ámel qılıw.Úyge berilgenn tapsırmalı hámde dene tárbiya shınıǵıw minutlarınıń qaǵıydaları haqqında túsinik.URM shınıǵiwların erkin orınlawǵa qaratılatın talaplar.Zıyanlı ádetlerdiń insan salamatlıǵına bolǵan keri tásiri.Gimnastika sabaqlarında akrobatika shınıǵıwların texnik elementlerin rawajlandırıw.Juwırıw waqıtında durıs dem alıw, shıǵarıw.Juwırıp kelip uzınlıqqa sekiriw shınıǵıwlarınıń fazaları.Sport oyınları-basketbol,volleybol,qol topı,futboldıń kelip shıǵıw tariyxı hámde Ozbekistanǵa kerip keliwi. Oyın waqıtında belgilengen oyın ótkiziwde qáwipsizlikti támiyinlew qaǵıydaları.Jas futbolshılardıń hár tárepleme dene tayarlıǵı haqqında túsinik.Gúrestiń kelip shıǵıw tarıyxı.Gúres túrlerin ajırata biliw.Milliy gúres kiyimi hámde oǵan qoyılǵan talaplar.Oqıwshılardı dene kámil,aqıllı hám tárbiyali tárepinen jetik qılıp tárbiyalaw háreketli oyınlardıń ahimiyeti.Ashıq hawada ótkiziletin oyınlarda dem alıw, ortasha háreketler menen orınlanatın oyınlardıń ahimiyeti.Olimpia oyınları hámde “Umit nihollari” haqqında túsinik.

I BAP.Gimnastika (14 saat)

Ulıwma rawajlandırıw shınıǵıwları.Oqıwshılardıń jas fiziologik jaǵdaylarına más bolǵan buyımsız hámde buyumlar (top,gimnastik tayaq,sekirmeshek hám taǵı basqalar) menen shınıǵıwlar orınlaw: sekiriwler,otırıw ,hár túrli jónelislerde iyiliw hámde shınıǵıwlar uyımın orınlawdı úyreniw;sekirmeshekde 1 minut dawamında sekiriw.
Tayanıp sekiriw. Júgirip kelip gimnastika ’’kozyoli’’ ústine tayanıp, dizelerge sekirip shıǵıw, dizelerden qolların kóterip jumsaq sekirip túsiw,gimnastika “kozyoli”ustine tayanıp ayaqlarǵa kóteriliw hám tik turıp sekirip túsiw,gimnastik “kozyol” ústinen ayaqlardı kerip tayanıp sekiriw shınıǵıwların islew:

1. 
   Er balalar –gimnastik “kozyoli” ( uzınlıǵına ornatılǵan,biyikligi 100 sm) ústine sekirip shıǵıw, otırıw, qollardı siltep jumsaq túsiw:
   
2. 
   Qız balalar – gimnastik “kozyol” ( enine ornatılǵan,biyikligi 80 sm) ústine sekirip shıǵıw , otırıw, qolların siltep jumsaq túsiw.