Транспорт логистикаси” кафедраси

2. Икки ёқлама афзал кўриш усулида аввал барча қаторлар, кейин ҳамма устунлар бўйича энг кичик қийматларига эга катаклар белгилаб чиқилади. Катаклардаги ўзгарувчиларга қиймат берилганда, аввало ҳам қатор, ҳам устун бўйича (иккиёқлама) афзал кўрилган ўзгарувчилар ҳисобга олинади, кейин эса бир марта белгиланган катакларга қиймат берилади. Қиймат бериш шу тарзда мавжуд барча автотонналар тақсимлангунича давом эттирилади.
3. Шимоли - ғарб бурчак усулида эса катакларга қиймат бериш энг юқоридаги – шимолдаги катакдан бошланиб, диагонал бўйича давом эттирилади. Бундай усулда шакллантирилган базис режаи аксарият ҳолларда оптимал бўлмайди ва уни оптималлаштириш лозим.
Ҳозирги пайтда базис режаини оптималлаштиришнинг бир неча йўналишдаги усуллари бор:
1) режани кетма-кет яхшилаш йўналишидаги усуллар;
2) чекланган ҳажмдаги фарқларни кетма-кет камайтириш йўналишидаги усуллар (шартли оптимал режалар билан яқинлашиш).
Режани кетма-кет яхшилаш йўналишдаги усуллар моҳияти шундан иборатки, бунда бошланғич базис режаи кетма-кет яхшилаб борилади ва ҳар гал маълум ҳисоблар натижасида такомиллашган режа оптималлигини аниқлаш мумкин. Агар ҳосил қилинган режа оптимал бўлмаса, кейинги итерацияда у, албатта, яхшиланади, яъни шундай бошқа режа топиладики, натижада оптималлик мезони функциясининг қиймати олдинги режадагига нисбатан камроқ бўлади. Мазкур йўналишда бир қанча усуллар мавжуд:
● потенциаллар усули
● модификациялаштирилган тақсимлаш усули (МОДИ) ва бошқа усуллар.
Иккинчи йўналиш – чекланган ҳажмдаги фарқларни кетма-кет камайтириш услубида бошланғич базис режанинг самарадорлик функцияси нуқтаи назардан энг оптимал бўлиб, бунда чеклаш тенгламаларида кўзда тутилган шартлар бажарилмайди. Шунинг учун ушбу режа шартли равишда оптимал дейилади. Кейинги итерацияларда эса топилган режаларда чекланган ҳажмдаги фарқ камая боради ва, ниҳоят,у қолмайди.


Юк оқимларининг оптимал режаини аниқлаш

Юқоридаги мисолимизнинг потенциаллар усули билан ечилишини кўриб чиқайлик. Биринчи навбатда минимал элемент усули билан бошланғич базис режаини тузамиз. Мазкур режа 11-жадвалда тузилган. Бунда биринчи, иккинчи ва ҳоказо навбатда ўзгарувчиларга қиймат берилган катаклар мос равишдаги рақамлар билан белгиланган. ушбу рақамлар катакларнинг чап томонидаги пастки бурчакда ёзилган (11-жадвалга қаралсин). Масалан, биринчи навбатда берилган қиймат (1-қатак), иккинчи навбатда - (2-қатак), учинчи навбатда - (3-қатак), (4-катак) ва ҳоказо.