Транспорт логистикаси” кафедраси

ЎЗБЕКИСТОН РЕСПУБЛИКАСИ

ОЛИЙ ВА ЎРТА МАХСУС ТАЪЛИМ ВАЗИРЛИГИ

ТОШКЕНТ АВТОМОБИЛЬ ЙЎЛЛАРИНИ ЛОЙИҲАЛАШ, ҚУРИШ ВА ЭКСПЛУАТАЦИЯСИ ИНСТИТУТИ

“ТРАНСПОРТ ЛОГИСТИКАСИ” КАФЕДРАСИ
“АВТОМОБИЛЛАРДА ТАШИШ ЖАРАЁНЛАРИНИ МОДЕЛЛАШТИРИШ”
фанидан


МАЪРУЗАЛАР МАТНИ

Тошкент – 2018 й.

Маърузалар матни «Автомобилларда ташиш жараёнларини моделлаштириш» фани дастури асосида ишлаб чиқилган ҳамда «Транспорт логистикаси» кафедрасининг «_____» __________2018 й. ( - сонли баён) мажлисида муҳокама қилинган ва маъқулланган.

Кафедра мудири проф.Саматов Ғ.А.

Тузувчи: к.ўқ.Арифжанова Н.З.

Тақризчи: доц. Омонов Б.Ш.

«Йўл қурилиши машиналари ва автомобиль транспорти эксплуатацияси» факультети илмий-услубий кенгаши томонидан тасдиқланган. «_____» _________ 2018 й. ( - сонли баён).

ИК раиси Усманов З.Т.


КИРИШ

Автомобиль транспортида ташишларни ташкил этиш кўп қиррали мураккаб жараён бўлиб, у кўплаб юк жўнатувчи ва олувчи ташкилотлар, транспорт корхоналари ва турлари, терминаллар, юк ортиш-тушириш механизмлари, йўловчи жўнатиш ва қабул қилиш манзиллари фаолияти, уларни боғловчи автомобиль йўлларининг техник-эксплуатацион параметрлари – йўл қопламаси тури, ҳаракат тасмалари сони, кўндаланг ва бўйлама қиялиги, транспорт оқими ва унинг техник-технологик параметрлари, йўл ҳаракати бошқаруви воситалари ва шу каби кўплаб объектлар таъсирида кечади.

Бозор иқтисодиёти шароитида истеъмолчилар томонидан ташиш хизмати натижалари ва сифатига мутлақо бошқача ва ниҳоятда юқори даражадаги талаблар қўйилади. Ташиш натижаларини ишончлилиги ва истеъмолчи эҳтиёжларига мослиги, турли номдаги юкларни маълум бир ҳажмда ҳамда белгиланган муддатларда истеъмолчиларга етказиб бериш кафолатланганлиги, ташиш хавфсизлиги ва сифатини таъминлаш, ташиш жараёнини истеъмолчи эҳтиёжларига мослаштириш ҳамда унинг харажатдорлигини камайтириш, ташишга оид хизмат турларини кўпайтириш ва сифатини яхшилаш кабилар ана шундай талаблар доирасига киради.