Toshkent viloyati chirchiq davlat pedagogika instituti mustaqil ish

Bugungi kunda savodli mutaxassis bo`lish uchun ta`lim texnologiyalarning hammasini o`rganish lozim.
Hozirgi vaqtda pedagogik lug`atda pedagogik texnologiya tushunchasi mustahkam o`rnashgan. Adabiyotlarda o`nlab ta`riflarni uchratish mumkin. Keling ularning ba`zilarini qarab o`taylik. Jumladan, pedagogika fani va amaliyotida «pedagogik texnologiya», «ta`lim texnologiyasi», «o`qitish texnologiyasi» kabi atamalardan keng foydalanilmoqda. Qo`yida ularning ba`zilarini ko`rib chiqamiz:
«Texnologiya» - yunoncha ikki so`zdan – «texnos» (techne) – mahorat, san`at va «logos» (logos) – fan, ta`limot so`zlaridan tashkil topgan. Bu ifoda xozirgi kunda zamonaviy texnologiya jarayonini to`liq tavsiflab berolmaydi.
Texnologiya deganda sub`ekt tomonidan ob`ektga ko`rsatilgan ta`sir natijasida sub`ektda sifat o`zgarishiga olib keluvchi jarayon tushuniladi. Texnologiya har doim zaruriy vositalar va sharoitlardan foydalanib, ob`ektga yo`naltirilgan maqsadli amallarni muayyan ketma-ketlikda bajarishni ko`zda tutadi. Texnologiya biror bir narsani yaratishni muayyan ketma - ketlik va tartibda amallarni bajarish jarayonidir. Oddiy misol tariqasida o`zbek milliy taomlaridan biri - palov tayyorlash texno- logiyasini olaylik. Ushbu taomni tayyorlash muayyan ketma - ketlikdagi, ma`lum tartibdagi (jumladan, vaqt bo`yicha ham) amallarni bajarishni talab etadi. Uni tayyorlash jarayonini palov tayyorlash texnologiyasi, deb atash mumkin.
Ushbu tushunchalarni o`quv jarayoniga ko`chiradigan bo`lsak, o`qituvchi (pedagog)ning o`qitish vositalari yordamida o`quvchi (talaba)larga muayyan ketma - ketlikda, tartibda va sharoitlarda ko`rsatgan tizimli ta`siri natijasida ularda jamiyat uchun zarur bo`lgan va oldindan belgilangan ijtimoiy sifatlarni intensiv tarzda shakllantiruvchi ijtimoiy hodisa, deb ta`riflash mumkin.