Toshkent turizm va biznes kolleji

KIRISH

Mavzuning dolzarbligi. Mamlakat iqtisodiyotini modernizatsiyalash va diversifikatsiyalash sharoitida kichik biznes va xususiy tadbirkorlik sohasini jadal sur’atlarda rivojlantirish ustuvor vazifalardan biri bo‘lmoqda. Bugungi kunda kichik biznes va xususiy tadbirkorlik sohasi ichki bozorni sifatli, raqobatbardosh va har xil turdagi mahsulotlar bilan to‘ldirishda, aholini oqilona ish bilan ta’minlash va yangi ish o‘rinlarini yaratishda, buning natijasida esa, aholi turmush tarzi farovonligini oshirish hamda daromadlarining oshishida muhim ahamiyat kasb etmoqda.
Iqtisodiyotning deyarli har bir tarmog‘ida faoliyat yuritayotgan kichik korxonalar, odatda, yiriklariga qaraganda ishchanligi va innovatsion faolligi bilan ajralib turadi. Bu holat milliy va hududiy sanoat siyosatini shakllanishida kichik biznes imkoniyatlarini ko‘rib chiqish masalasini dolzarb qilib qo‘yadi, chunki mahalliy xom ashyo bilan ishlovchi va mahsulotining katta qismini mahalliy bozorda sotuvchi kichik korxonalar, hozirda viloyatlar ijtimoiy-iqtisodiy rivojlanishining katalizatori sifatida maydonga chiqmoqdalar.
CHet eldagi rivojlangan mamlakatlar tajribasi va mamlakatimiz sanoatida erishilgan yutuqlar kichik korxonalarning yirik korxonalarga nisbatan afzalligi mavjudligini isbotlaydi.
Alohida ta’kidlash lozimki, sanoatda kichik biznesni qo‘llab-quvvatlashning ishchan mexanizmini yaratish va joriy qilish uning mohiyatini chuqur tahlil qilish va rivojlanishining barcha bosqichlarida asosiy tendensiya va qonuniyatlarni aniqlash asosidagina mumkin bo‘ladi.
Kichik korxonalar-tezda o‘zgaruvchan sharoitga moslasha olish, iste’molchilar talabiga mos mahsulot ishlab chiqarishga, tez sur’atlar bilan yangi texnika texnologiyani joriy etishga, yangi ishlab chiqarish quvvatini yaratish va ulardan yaxshi foydalanish imkoniyatlariga ega. SHu boisdan ham tadqiqot mavzusi dolzarbdir.
Bitiruv malaka ishining hajmi va strukturasi. Ish kirish, ikkita bo‘lim, xulosa va takliflar, adabiyotlar ro‘yxatini o‘z ichiga oladi. Bitiruv malaka ishi
30 betni tashqil etadi va 1 ta chizma, 3 ta jadvaldan iborat.