8. Мавзу. Шахснинг эмоционал-иродавий ҳолатлари
Ҳис-туйғулар. Ҳис-туйғулар ҳақида тушунча. Ҳис-туйғуларнинг ифодаланиши. Ҳис-туйғуларнинг физиологик асослари. Ҳис-туйғулар ва фаолият. Ҳис-туйғуларнинг асосий сифатлари. Эмоционал ҳолатлар: стресс ва унинг босқичлари, бартараф этиш йўллари; аффект, кайфият, депрессия, фрустрация, руҳланиш, эҳтирос. Юксак ҳис-туйғулар. Ҳис-туйғулар соҳасидаги индивидуал фарқлар. Ҳис-туйғулар ва инсон шахси.
Ирода. Иродавий жараёнлар тўғрисида тушунча. Ироданинг физиологик асослари. Иродавий ҳаракатнинг манбалари. Иродавий ҳаракатни таҳлил қилиш. Шахснинг иродавий сифатлари. Иродани тарбиялаш.
9.Мавзу. Мулоқот ва шахслараро муносабатлар психологияси. Жамоа ва гуруҳ
Мулоқот ва муносабат тўғрисида тушунча. Мулоқотнинг коммуникатив соҳаси. Мулоқотнинг перцептив томони. Мулоқот олиб бориш даражалари. Мулоқот турлари. Вербал ва новербал мулоқот. Мулоқот усуллари. Ахборот узатиш ва оммавий ахборот жараёнлари. Ахборот воситалари, уларнинг моҳияти ва самарадорлиги. Манипуляция. Жамоа ва гуруҳ тушунчалари. Кичик гуруҳлар классификацияси. Гуруҳда ўзаро мослик ва психологик муҳит. Гуруҳий қарор қабул қилиш ва унинг омиллари. Гуруҳда бошқарув муаммоси. Конформизм ва унинг оқибатлари. Ижтимоий таъсир (фасилитация ва ингибиция) ҳодисаси. Лидерлик. Лидерлик усуллари ва назариялари. Суперлидерлик тушунчаси. Суперлидерликни шаклланиш босқичлари.
Амалий (семинар) машғулотлар бўйича кўрсатма ва тавсиялар
Амалий (семинар) машғулотлар учун қуйидаги мавзулар тавсия этилади:
1. Педагогика фан сифатида. Тиббиётда педагогик билимларнинг ўрни ва аҳамияти.
2. Ўзбекистон республикасида таълим тизими ва таълим соҳасидаги ислоҳотлар.
3. Тарбия жараёнининг мазмун ва моҳияти. Тарбиявий таъсир этиш усуллари, воситалари ва уни амалда қўллаш шакллари.
4. Дидактика педагогиканинг таркибий қисми сифатида. Таълим (педагогик) технологиялари ва педагогик маҳорат асослари
5. Психология фанига кириш. Тиббиётда психологик билимларнинг ўрни ва аҳамияти.
6. Психологияда шахс муаммоси. Шахс фаолияти ва унинг индивидуал-психологик хусусиятлари
7. Шахснинг психик билиш жараёнлари
8. Шахснинг эмоционал-иродавий ҳолатлари.
9. Мулоқот ва шахслараро муносабатлар психологияси. Жамоа ва гурух психологияси.
Амалий (семинар) машғулотлар мультимедиа қурилмалари билан жиҳозланган аудиторияда бир академик гуруҳга бир ўқитувчи томонидан ўтказилиши лозим. Машғулотлар фаол ва интерактив усуллар ёрдамида ўтилиши, мос равишда муносиб педагогик ва ахборот технологияларини қўллаш мақсадга мувофиқдир.
Амалий (семинар) машғулотларини ўтказишда қуйидаги дидактик тамойилларга амал қилинади:
амалий (семинар) машғулотларни мақсадини аниқ белгилаб олиш;
ўқитувчининг инновацион педагогик фаолияти бўйича билимларни чуқурлаштириш имкониятларига талабаларда қизиқиш уйғотиш;
талабада натижани мустақил равишда қўлга киритиш имкониятини таъминлаш.
талабани назарий-методик жиҳатдан тайёрлаш;
амалий (семинар) машғулотлари нафақат аниқ мавзу бўйича билимларни якунлаш, балки талабаларни тарбиялаш манбаи ҳамдир
Do'stlaringiz bilan baham: |