Toshkent tibbiyot akademiyasi urganch filiali

Ўқув фанининг мақсад ва вазифалари



Фанни ўқитишдан мақсад - талабаларга тиббиётга оид умумий педагогик ва психологик билимларни бериш ҳамда уларда инсон фаолиятининг муваффақиятини таъминлаш омили сифатида педагогик ва психологик ўзига хос хусусиятлар ҳақидаги тасаввурларни яхлит шакллантириш, таълим-тарбиявий фаолият хусусиятлари ҳамда талабаларни бозор иқтисодиёти шароитида ижтимоий - психологик ҳодисаларни тўғри англаб етиши, юксак инсоний фазилатларни шакллантириш, одоб-ахлоқ, тарбия, инсоний ҳаёт ва касбий фаолиятнинг турли мураккаб вазиятларидан чиқиб кета олиш, мустақил фикрлаш ва шахсий хатти-ҳаракатлари оқибатларини олдиндан сезиш, мустақил таълим ва ўз-ўзини англаши ва бошқариш имкониятларини баҳолаши, мақсадга эришиш бўйича педагогик ва психологик билим, кўникма ва малакаларни тўғри шакллантиришдир.
Фаннинг вазифаcи – талабаларни педагогика ва психология фани тараққиётининг асосий йўналишлари билан таништириш; маънавият (таълим, тарбия, шахс камолоти ва маданиятини тавсифловчи) тушунчалар мажмуини ўзлаштириш; ўқишга ва касбга оид муаммоли вазиятларни таҳлил қилиш; замонавий таълим ва тарбия жараёнини лойиҳалаштириш, ташкил этиш ва амалга ошириш, унинг амалга оширилиши ва натижаларини ташхис қилишнинг назарий ва амалий асосларини ўзлаштириш; шахснинг камолоти ва унга таъсир кўрсатувчи омиллар, унинг онги, билиш жараёнлари, индивидуал педагогик- психологик хусусиятлари, эмоционал ва иродавий сифатларини таҳлил этишга ҳамда самарали шахслараро мулоқотни ташкил қилишни ўргатишдан иборат.
Фан бўйича талабаларнинг билим кўникма ва малакаларига қуйидаги талаблар қўйилади.
Талаба:
- педагогиканинг объекти, предмети ва методлари, унинг фанлар тизимида тутган ўрни ва асосий тармоқларини;
- шахсни шакллантиришда, инсоннинг хулқ-атвори, мулоқоти ва фаолиятида таълим ва тарбиянинг тутган ўрни ҳақида тасаввурга эга бўлиши;
- таълим ва тарбияда ирсият ва ижтимоий муҳитнинг ўзаро муносабатини, миллий ва маданий-тарихий омилларнинг тутган ўрни ва аҳамиятини;
- педагогика фанининг асосий тушунча ва терминларини; педагогик -психологик таҳлил қилиш ва лойиҳалаш усулларини; маърифат (таълим, тарбия, шахс камолоти ва касбий маданияти), маърифий жараёнлар ва уларнинг моҳияти ҳақидаги билимлар тизимини; замонавий таълим технологияларини;
- ўқиш ва билишга оид фаолиятни ташкил қилиш йўлларини;
- таълим ва тарбия сифатини назорат қилиш шакллари ва методларини эгаллаши;
- умумий психологик тушунчаларни, воқелик ва жамиятдаги воқеа- ҳодисаларни, шахснинг ўзида кечадиган ижтимоий-психологик жараёнларни, шахсни психологик тадқиқ қилиш усулларини билиши;
- талаба воқеликни психологик мушоҳада этиш, нарса-ҳодисаларни илмийлик ва мантиқийлик асосида ўрганиш, илмий тафаккур ва психологик тасаввурнинг уйғунлигини таъминлаш, мустақил ва замонавий фикрлаш, кундалик фаолиятда умумий психологик билимларни ва қоидаларни қўллай олиш кўникмаларига эга бўлиши;
- талаба воқеа-ҳодисаларни психологик нуқтаи назардан таҳлил ва тадқиқ қилиш, шахс мотивацияси, эмоционал ва иродавий сифатлари, индивидуал психологик хусусиятлари, шахс ва жамият орасидаги муносабатнинг психологик қонуниятларини аниқлаш малакаларига эга бўлиши керак.

3.