Toshkent tibbiyot akademiyasi tibbiy pedagogika fakulteti

Pedagogik texnologiya tushunchasi.

Ta’lim texnologiyasi nazariyasining umumiy asoslari, mohiyati xususida so‘z yuritish uchun "Ta’lim texnologiya­si" tushunchasining tub ma’nosini anglash talab etiladi. "Texnologiya" yunoncha so‘z bo‘lib, "Techne"- mahorat, san’at hamda "logos" - tushuncha, ta’limot so‘zlarining birlashmasidan xosil bo‘lgan. "Ta’lim texnologiyasi" tushunchasi esa lug‘aviy jihatdan (inglizcha "an edicatioal technology") ta’lim (o‘qitish) jarayonini yuksak mahorat san’at darajasida tashqil etish borasida ma’lumotlar beruvchi fan (yoki ta’limot) ma’nosini anglatadi.

“O‘qitish texnologiyasi”. Pedagogik texnologiyalarni yaratish, ya’ni o‘quv jarayonini ishlab chiqarish jarayoni kabi takrorlanuvchan xarakterga ega bo‘lishini ta’minlashga oid dastlabki ilmiy izlanishlar o‘tgan asrning 50 yillarida amerikalik pedagoglar tomonidan olib borilgan. Xususan, “O‘qitish texnologiyasi” iborasi ilk bor amerikalik olim B.Skinner tomonidan ishlatilgan.