Toshkent tibbiyot akademiyasi tibbiy pedagogika fakulteti

Maqsadi, shu aloqadorlikning mavjudligi ta’lim-tarbiya jarayonining ichki qonuniyatidan kelib chiqqanligini isbotlash va ularni bir-biriga mutanosib ravishda taraqqiy etishdir.

Bu degani, ta’lim-tarbiya jarayonida qatnashuvchi biron-bir element o‘zgarsa, uning boshqa qismlarini ham shunga moslashtirish zarur ekanini isbotlab berishdir. Masalan, ta’lim-tarbiya jarayoni kechadigan sinf yoki auditoriyadagi pedagog o‘zgarsa, ta’lim-tarbiya jarayonini shakllantiruvchi o‘qitishning usul va uslublari, texnik vositalaridan foydalanish usullari ham o‘zgarishi mumkin. YOki o‘qitishning dasturi o‘zgarsa, darslik va boshqa didaktik materiallarni hamda uqitvchi dars berish usullarini bir oz bo‘lsada, o‘zgartirishga majbur. CHunki ular o‘zaro funksional bog‘liq. Didaktikaning maqsadi manashu o‘zgarishlarni asoslab, ta’lim-tarbiya jarayonining muayyan qonuiyatlar asosida kechishini ilmiy-nazariy tomondan asoslab berishdir.

Didaktika o‘z tadqiqotlarini olib borish jarayonida quydagi an’anviy tadqiqot usullaridan foydalanadi: tarixiy va ilmiy adabiyotlarini taxlil qilish, o‘quv-uslubiy hujjutlarni o‘rganish, fanlardan bilim berish amaliyotini sintezlash, statik usullar, maqsadli usullar, qiyosiy tasnif, taqqoslash va hokazo. SHu bilan birga, didaktikada nisbatan yangi hisoblanuvchi-majmu yondoshuv, grafoanalitik, matematik modellashtirish, sotsiologik tadqiqot usullaridan ham foydalaniladi.

YAxlit ta’lim-tarbiya jarayonida didaktika fanining vazfalari:

Birinchisi - bilim egallash hamda ularni ko‘nikma va malakaga aylantirish qonuniyatlarini aniqlab berish. Bu borada didaktika ancha yutuqlarga erishgan bo‘lib, ta’lim-tarbiya jarayonini amalga oshirishning quydaga qonuniyatlarini, ya’ni tamoyillarini aniqlagan. Bularga: bilimni uzatishda onglilik va faollik, ko‘rgazmalik, tizimlilik va muntazamlik, tushunarlilik, ilmiy asoslab berish, nazariya va amaliyot birligi tamoyillari kiradi. Bular keyingi sahifalarda batafsil bayon etiladi.