Toshkent tibbiyot akademiyasi tibbiy pedagogika fakulteti

Fanning o‘quv rejadagi boshqa fanlar bilan o‘zaro bog‘liqligi:

“Falsafa”, “Sotsiologiya”, “Etika”, “Estetika”, “Odam anatomiyasi” , “Iqtisod”, “Etika”, “Estetika”, “Fiziologiya”, “Gigiena”, “Psixologiya” , “Tarix”, “Madaniyatshunoslik” va “Tibbiy fanlar”.

Didaktika, uning tamoyilllari va

qonun-qoidalari

Didaktika–ta’lim nazariyasi tushunchasini anglatadi. Ta’lim nazarichsi ta’lim-tarbiya jarayonida amal qilinishi shart bo‘lgan tamoyillar, ta’lim usullari, ta’lim-tarbiya shakllari va pedagogikadagi asosiy tushunyaalarni o‘z ichiga oladi.

Demak, didaktika yosh avlodni «Nimaga o‘qitish?», «Nimani o‘qitish?» va «Qanday o‘qitish?» kabi savollarga javob beradi. Didaktika-o‘qitishning umumiy qonuni va qonuniyatlarini aniqlab berish bilan birga, har bir o‘quv fanining o‘qitish usullari uchun asos bo‘lib xizmat qiladi.

Didaktika butun pedagogika faoliyat uchun, ya’ni ta’lim-tarbiya bilan shug‘ullanuchilarning nazariy va amaliy harakatlari uchun metodologik asos vazifasini o‘taydi.

SHunday ekan, didaktikaning tadqiqot ob’ekti, predmeti, maqsadi va usullari nimadan ibrat? degan savolga javob topamiz.

Umuman, har qanday ilmning tadqiqot ob’ekti deganda, muayyan ilm sohasi o‘z tadqiqotlarini nimaga qaratgan? Degan savolga javob topish talab qilinadi. Didaktikaning tadqiqot ob’ekti ta’lim-tarbiya jarayonidir.

Har qanday ilmning tadqiqot predmeti deganda, muayyan ilm o‘z tadqiqotlarini yo‘naltirilgan bo’ektning aynan nimasini o‘rganadi? degan savolga javob beradi. CHunki har qanday oddiy bir ob’ektning ham jabhalari bo‘ladi. Ilmning tadqiqot ob’ekti nimani o‘rganadi? Degan savolga javob berilsa, tadqiqot predmeti, ilm shu nimaning nimasini, ya’ni qaysi jabhasini o‘rganadi? Degan savolga javob berishi shart.

Didaktikaning tadqiqot predmeti ta’lim-tarbiya jarayonini tashkil etuvchi-«ta’lim-tarbiya oluvchi», «ta’lim-tarbiya beruvchi», «o‘quv-dastur, darslik va boshqa didaktik materiallar» hamda «o‘qitishning usuli va uslublari», «o‘qitishning texnika vositalari» orasidagi funksional aloqadorlikdir.