Toshkent tibbiyot akademiyasi ergashev u. Y. Xirurgik kasalliklar

Diagnostikasi.
Oʼtkir pankreatit diagnozini qoʼyishda anamnez maʼlumotlari 
(koʼp ovqat yeyish va ichkilik ichish, shikastlar va boshqalar), qorinning yuqori 
boʼlimida koʼpincha ogʼir aylanib tutadigan kuchli ogʼriq, uning taxikardiya va 
arterial bosimning pasayishi bilan oʼtishi asos boʼlib xizmat qiladi. Peritonit 
rivojlangunga qadar qorin yumshoqligicha qoladi, biroq koʼtarilgan boʼladi, 
peristaltika boʼlmaydi. Baʼzan Meyo - Robson musbat simptomi boʼladi. 
Oʼtkir pankreatitda laparoskopik tekshiruvlar bu kasallikni oshigʼich 
diagnostika qilishning eng qimmatli metodlaridan biri xisoblanadi. Oʼtkir 
pankreatitda 
laparoskopiya 
oʼtkir 
pankreatit 
formasini 
aniqlashda, 
pankreonekrozning patobioximiyaviy turini bilishda yordam beradi, pankreatogen 
peritonit, qushilib keladigan kasalliklar (destruktiv xoletsistit) ni aniqlashga imkon 
beradi. 
Laparoskopik tekshirishga kursatmalar quyidagicha: klinik manzaraning 
noaniqligi, pankreatit va qorin bushligʼining boshqa oʼtkir kasalliklari oʼrtasida 
differentsial diagnostika qilish zarurligidir. Oʼtkir pankreatitning klinik belgilari 
aniq boʼlganda laparoskopiya kasallikning formasini aniqlash va davo 
muolajalarini bajarish uchun qilinadi. 

---

352 
Soʼnggi yillarda kompyuterli tomografiya va ultratovush bilan tekshirish eng 
koʼp axborot beradigan usullar boʼlib qoldi, ular meʼda osti bezi oʼlchamlarini, 
strukturasining bir xil emasligini aniqlab beradi. 
Qorin aortasi tarmoqlarini selektiv va superselektiv angiografiya qilish 
metodlarini klinikaga joriy qilish meʼda osti bezi kasalliklarining diagnostikasini 
birmuncha yaypiladi. Аngiografik tekshirish oʼtkir pankreatitda paydo boʼladigan 
meʼda osti bezi angioarxitektonikasiga hos oʼzgarishlarni aniqlashga imkon beradi. 
Rentgenologik tekshiruvda oʼtkir pankreatitning bilvosita belgilari aniqlanadi. 
Obzor rentgenogrammada meʼdaning kengayganligi, unda suyuqlik borligi 
aniqlanadi. Oʼn ikki barmoq ichak qovuzlogʼi («takasi») kengaygan, parez 
xolatida.
Baʼzan oʼtkir pankreatit belgilari qorin boʼshligʼidan transparietal punktsiya 
yordamida ekssudat olish, meʼda osti bezini instrumentlar bilan paypaslash, oʼt 
pufagini transparietal punktsiya va drenaj qilish kabi maxsus diagnostik muolajalar 
vositasida aniqlanishi mumkin.