Toshkent pedagogika kolleji

G’ildirakli konkilarda uchish. G’ildirakli konkilarda uchish maktabgacha katta yoshda tavsiya etiladi. Bolalarni yurishga, burilishlarga (o’ngga, chapga), tormozlanishga, to’xtashga o’rgatiladi.

Tarbiyachi bir necha bolalarni bir vaqtda g’ildirakli konkida uchishga o’rgatadi. U oldinga siljish texnikasini tushuntiradi va ko’rsatadi hamda bolalarga bu harakatni bajarishda yordam beradi. Tayanib uchish bir necha kun devom etadi. Shundan so’ng bolalarni goh o’ng, goh chap oyoqda siltanib siljishga o’rgatiladi. Oyoq va qo’llar harakatlari muzda uchishdagi kabi mos bo’lishi kerak.

G’ildirakli konkilarda uchish ko’nikmalarini mustahkamlashda harakatli o’yinlardan foydalanish mumkin. Mashg’ulotlar davomiyligi asta-sekin 10-15 minutgacha uzaytiriladi. Agar butun guruh bolalari g’ildirakli konkida uchish ko’nikmalarini egallagan bo’lsalar, mashg’ulotlar barcha bolalar bilan bir paytda aylana yo’lkada o’tkaziladi.